________________
१०५
२. आराहणापडाया 1164. सगणे आणाकोवो १ फरुसवई २ कलहकरण३-परियावा ४ ।
निब्भय ५ सिणेह ६ कोलुणिय ७ झाणविग्घो ८ य असमाही ९॥२३२॥ 1165. उड्डाह करा थेरा, कलहकरा खुड्डया, खरा सेहा ।
आणाकोवं गणिणो करिज तो हुन्ज असमाही ॥ २३३॥ 1166. जं तेसु न वावारो जुज्जइ परगणनिवासिणो गणिणो।
ता कह असमाहाणं आणाकोवम्मि वि कयम्मि १ ॥ २३४॥ 1167. खुड्डे थेरे सेहे असंवुडे दट्ठ भणइ वा फरुसं।
पडिचोयणमसहंतेहिं तेहिं सह हुन्ज कलहो वा ॥ २३५॥ 1168. तत्तो गणिणो तेसिं हुज्जा परियावणाझ्या दोसा ।
तेसु सगणम्मि गणिणो ममत्तदोसेण असमाही ॥२३६॥ 1169. तण्हाइएसु महणिजएसु सगणम्मि निमओ संतो ।
जाएज व सेविज व अकप्पियं किंचि वीसत्यो ॥ २३७॥ 1170. अजाओ अणाहाओ बुड़े य नियंकवड़िए बाले ।
पासंतस्स सिणेहो हविज अचंतियविओए ॥ २३८॥ 1171. खुड्डा य खुड्डियाओ अजाओ वि य करिज्ज कोलुणियं ।
तो हुन्ज झाणविग्यो असमाही वा गणहरस्स ॥ २३९ ।। 1172. एए दोसा गणिणो विसेसिया हुँति सगणवासिस्स ।
भिक्खुस्स वि अप्पसमा सरेज तम्हा परगणं सो ॥२४॥ 1173. उज्झिय सगणं अम्हे सरिऊणमिहाऽऽगओ परगणम्मि ।
सव्वायरसत्तीए भत्तीए वट्टइ गणो से ॥ २४१॥ 1174. गीयत्थो चरणत्थो पुच्छेऊणाऽऽगयस्स खमगस्स ।
सव्वायरेण सूरी वितस्स निजावओ हुज्जा ४॥२४२॥ परगणचरिया ४॥
[गा. २४३-३०४. गणसंकमणदारस्स पंचमं सुट्ठियगवेसणापडिदारं] 1175. जोयणसयाणि छ स्सत्त वा वि वरिसं व जाव बारसयं ।
निजवगमणुण्णायं समाहिकामो गवेसिज्जा ॥ २४३॥
Jain Education International
For Private & Personal Use Only
www.jainelibrary.org
