________________
सिरिवीरभदायरियविरइया
८८
963. सुचिरं पि निरइयारं विहरित्ता नाण-दंसण-चरित्ते ।
मरणे विराहइत्ता अणंतसंसारिणो दिट्ठा ॥३१॥ 964. आसायणबहुलाणं विराहयाणं च नाण-चरणाणं ।
पोग्गलपरियदृद्धं उक्कोसं अंतरं भणियं ॥ ३२॥ 965. दिट्ठा मिच्छदिट्ठी अणाइणो तक्खणेण सिद्धा य ।
आराहियमरणंता मरुदेवाई महासत्ता ॥ ३३॥ 966. जइ पवयणस्स सारो मरणंताराहणा मुणिवराणं ।
किं दाणि सेसकाले जयंति तव-नाण-चरणेसु ? ॥ ३४॥ 967. जावज्जीवपइण्णा निव्वाणाराहणा जओ भणिया ।
पढमं च तीइ भंगे सा कत्तो तस्स मरणंते ? ॥३५॥ 968. किंतु जहासत्तीए आराहिंतेण सेसकालम्मि ।
मरणंते होयव्वं मुणिणा दढमप्पमत्तेणं ॥३६॥ 969. परिजविया वि न सिज्झइ पहाणसेवं विणा जहा विज्जा ।
तह पव्वजा वि दढं मरणंताराहणाइ विणा ॥ ३७॥ 970. पुव्वाऽणब्भत्थकमो रिउभडगहणम्मि जइ वि परिहत्थो ।
सुहडो वीरपडायं न हरइ जह समरसीसम्मि ॥ ३८॥ 971. तह उग्गपरीसहसंकडम्मि न लहइ मुणी वि मरणंते ।
आराहणापडायं पुव्वमणभत्थसुहजोगो ॥ ३९॥ 972. कयकरणा वि सकजं पेरंतपमाइणो न साहिति ।
गीयत्थलद्धबुद्धी, आहरणं खुड्डगाईया ॥ ४० ॥ 973. पुव्वमभावियचित्तो आराहइ जइ वि को वि मरणंते ।
खण्णुयनिहियाहरणं, तं चिय सव्वत्थ न पमाणं ॥ ४१॥ 974. पालियमूलपइण्णो तम्हाऽऽराहिज सुट्ट मरणंतं ।
तं पि समासेण मुणी भणंति मरणं च पंचविहं ॥४२॥ 975. पंडियपंडियमरणं १ च पंडियं २ बालपंडियं ३ तह य ।
बालमरणं ४ चउत्थं च पंचमं बालबालं५ तु ॥४३॥
Jain Education International
For Private & Personal Use Only
www.jainelibrary.org
