________________
सिरिवीरभदायरियविरइया 939. तं जाण नाण-दंसण-चारित्त-तवेसु४ कयचउक्खंधं ।
आराहणाउवायं निद्दि पुव्वसूरीहिं ॥७॥ 940. तेसिमुवएससारं दुवालसंगं पि पवयणं " आणा"।
जं तीए आराहणमेसा “आराहणा" भणिया ॥८॥ 941. जीवादीण जहत्थं पयत्थसत्थाण जिणपणीयाणं ।
जो अवबोहो सम्मं वयंति तं नाणिणो " नाणं" ॥९॥ 942. मण्णइ तमेव सच्चं णीसंकं जं जिणेहिं पण्णत्तं ।
"दंसण"मिणमो भणियं सुभाऽऽयपरिणामरूवं तु ॥१०॥ 943. निदलियदोसरिउणो जयगुरुणो परहिएक्ककयरुइणो।
सव्वण्णुणो जिणिंदा न अण्णहावाइणो जेण ॥११॥ 944. सामाइय १ छेयट्ठावणं २ च परिहारसुद्धियं ३ तह य ।
अह सुहुमसंपरायं ४ पंचमचरणं अहक्खायं ५ ॥१२॥ . 945. होइ तवो वि य दुविहो, सभितर-बाहिरो जिणुद्दिवो ।
इक्किको छब्भेओ, जहसत्तीए निरासंसो ॥१३॥ 946. नाणं पगासयं, सोहओ तवो, संजमो य गुत्तिकरो।
सम्मत्ताणुगयाइं इमाई साहति मुत्तिसुहं ॥१४॥ 947. संसारियं पि जं पयइसुंदरं, जं च अक्खयं सोक्खं ।
आराहणाफलं तं निद्दिटुं नट्ठमोहेहिं ॥ १५॥ 948. जं च परिणामविरसं अणंतसंसारकारणं जं च ।
दुक्खं वा सोक्खं वा विराहणाकारणा तं तु ॥१६॥ 949. जं च सुतिक्खं दुक्खं, जं चिय सुहमुत्तमं तिलोयम्मि ।
तं जाण जिणुद्दिष्टुं विराहणा-ऽऽराहणाण फलं ॥१७॥ 950. केई दंसण-चरणे दुविहं आराहणं बुहा बिंति ।
जमऽदंसणं न नाणं, संजमरहिओ तवो न तवो ॥१८॥
१. कइरु मो० ॥
Jain Education International
For Private & Personal Use Only
www.jainelibrary.org
