________________
७३
१. आराहणापडाया 796. किं न सुओ जिणधम्मो सड्ढो निद्दड्ढमंस-वस-चम्मो ।
पट्टीए पत्तीए निव्वेयगओ गहियदिक्खो ॥ ७९६॥ 797. सीहोरसियं रुहिउं चउदिसिचउपक्खसंलिहियदेहो।
सोढुवसग्गो जाओ सोहम्मिंदो तुरियचक्की ॥ ७९७॥ 798. नलिणऽज्झयणं सुणिउं गहियवओ पियवणे सियालीए ।
खजतो आराहणमाराहइऽवंतिसुकुमालो ॥ ७९८॥ 799. मुग्गिल्लमोयरंतो सुकोसलो चाउमासिपारणए ।
वग्धीए उवसग्गं सम्मं सहिउं सिवं पत्तो ॥ ७९९ ॥ 800. किं न सुया ते सुविहिय ! जुहिट्ठिलाई दुमाससंलेहा ।
सेत्तुंजे पंडुसुया सिद्धिगया पायवोवगया ॥ ८००॥ 801. वेभारपव्वए सालिभद्द धन्नो य पायवोवगया।
मासं संलिहिय तणू पत्ता ते दो वि सव्वढे ॥ ८०१॥ 802. जो तिपयपत्तसत्तो कीडीहिं चालणि ब्व कयगत्तो।
वीसपहरेहिं पत्तो सहसारे सो चिलापुत्तो ॥ ८०२॥ 803. अणिमित्तामित्तेहिं मंतीहिं विदिन्नतिव्वविसजोगो।
वियणं परदेहे इव सहिउं उद्दायणो सिद्धो ॥ ८०३ ॥ 804. पडिणीयदेवयाए गंगातीरे तिसूलभिन्नो वि ।
आराहणं पवन्नो किं न सुओ अन्नियापुत्तो? ॥ ८०४॥ 805. सिरिभद्दबाहुसीसा चउरो रयणीए चउहिं जामेहि ।
सीयं सहित्तु पत्ता दियलोयं, किं तए न सुया? ॥ ८०५॥ 806. पंचसयसाहसहिओ पन्वयपन्भारमस्सिउं ओमे ।
भत्तपरिन्नं कासी स वयरसामी वि किं न सुओ? ॥ ८०६॥ 807. तह वयरखुड्डगो वि हु तत्तम्मि सिलायले रहावत्ते।
हविपिंडो व्व विलीणो निसिद्धभत्तो दिवं पत्तो ॥ ८०७॥
१. हो। तिविहुवसग्गो A. विना ।। २. या पाओवगया गया सिद्धिं ॥ A. विना ।। ३. °पत्ततत्तो A. विना ।। ४. °णीहिं घ3° E. F. ॥ ५. हिमपिंड व C. E. F. ॥
Jain Education International
For Private & Personal Use Only
www.jainelibrary.org
