________________
७०
पाईणायरियविरइया 760. पाणयमसिंभलं परिपूयं खीणस्स तस्स दायव्वं ।
जं वा पत्थं खवयस्स तस्स तं होइ दायव्वं ॥ ७६० ॥ 761. संथारत्थो खवओ जइया खीणो हविज तो तइया ।
वोसिरियव्वो पुव्वविहिणेव सो पाणयाहारो ॥७६१ ॥ 762. एवं संथारगयस्स तस्स कम्मोदएण खवयस्स ।
अंगे कत्थइ उद्विज वेयणा झाणविग्घकरी ॥ ७६२॥ 763. तो तस्स तिगिच्छाजाणगेण खवयस्स सव्वसत्तीए ।
विजाऽऽएसेण व से पडिकम्मं होइ कायव्वं ॥ ७६३॥ 764. विविहम्मि कीरमाणे पडिकम्मे वेयणाउवसमं से ।
खवगस्स पावकम्मोदएण तिव्वेण न हु होजा ॥७६४ ॥ 765. कोई परीसहेहिं वाउलिओ वेयणावसट्टो वा ।
ओभासिज्ज कयाई पढमं बिइयं च आसज्ज ॥ ७६५॥ सारेयवो खवओ निजामयसूरिणा तओ झत्ति ।
जह सो विसुद्धलेसो पञ्चागयचेयणो होज्जा ॥ ७६६ ॥ 767. को सि तमं? किंनामो ? कत्थाऽसी को व संपईकालो?।
किं कुणसि तुमं ? किह वा अच्छसि ? किंनामको वा हं १ ॥७६७॥ 768. एवं आपुच्छित्ता परिक्खहेउं गणी तयं खवयं ।
सारेइ वच्छलत्ता 'एयस्स हियं करिस्सं' ति ॥ ७६८॥ 769. एवं सारिजंतो कोई कम्मुवसमेण लॅहइ सई ।
को वि हु न लभिज्ज सई तिव्वे कम्मे उइन्नम्मि ॥ ७६९ ॥ 770. तस्स वि गणिवसमेणं पडिकम्ममवट्ठियं पि कायव्वं ।
उवएसो वि सया से अणुलोमं तस्स दायव्वो ॥ ७७० ॥ 771. जाणतो वि य कम्मोदएण कोई परिस्सहपरज्झो ।
ओभासिज्ज कुविज व भिंदिज व नियपइन्नं पि ॥ ७७१ ॥ १. मसिभिलं A. ।। २. पच्छं A. विना ।। ३. हिजा वियणा B. C. E. || ४. कच्छाऽसी? A. || ५. लभइ सयं । A. ।। ६. °म्मि ॥ ७६९ ॥ सइमलहंतस्स वि कायव्वं पडिकम्मऽवट्रियं गणिणा। उव° A. विना ॥
766.
For Private & Personal Use Only
Jain Education International
www.jainelibrary.org
