________________
१०८३
सु० १,१,१-१४] परंपरपजत्तयाईसु पावकम्माइबंधपरूवणं
३. सलेस्से णं भंते ! अचरिमे मणुस्से पावं कम्मं किं बंधी० १ एवं चेव तिन्नि भंगा चरिमविहूणा भाणियव्वा एवं जहेव पढमुद्देसए, नवरं जेसु तत्थ वीससु पदेसु चत्तारि भंगा तेसु इहं आदिला तिन्नि भंगा भाणियव्वा चरिमभंगवजा; अलेस्से केवलनाणी य अजोगी य, एए तिन्नि वि न पुच्छिज्जति। सेसं तहेव।
४. वाणमंतर-जोतिसिय-वेमाणिया जहा नेरतिए।
[सु. ५-१९. अचरिमेसु चउवीसइदंडएसु नाणावरगाइकम्मट्ठगबंधं
पडुच्च पढ़मुद्देसनिविट्ठएक्कारसठाणपरूवणं] ५. अचरिमे णं भंते ! नेरइए नाणावरणिज कम्मं किं बंधी० पुच्छा। गोयमा ! एवं जहेव पावं, नवरं मणुस्सेसु सकसाईसु लोभकसायीसु य पढमबितिया भंगा, सेसा अट्ठारस चरिमविहूणा ।
६. सेसं तहेव जाव वेमाणियाणं । ७. दरिसणावरणिजं पि एवं चेव निरवसेसं ।
८. वेदणिजे सव्वत्थ वि पढम-बितिया भंगा जाव वेमाणियाणं, नवरं मणुस्सेसु अलेस्से केवली अजोगी य नस्थि ।
९. अचरिमे णं भंते ! नेरइए मोहणिज्ज कम्मं किं बंधी० पुच्छा। १५ गोयमा ! जहेव पावं तहेव निरवसेसं जाव वेमाणिए ।
१०. अचरिमे णं भंते ! नेरतिए आउयं कम्मं किं बंधी० पुच्छा। गोयमा ! पंढम-ततिया भंगा।
११. एवं सव्वपएसु वि नेरइयाणं पढम-ततिया भंगा, नवरं सम्मामिच्छत्ते तइयो भंगो।
२० १२. एवं जाव थणियकुमाराणं ।
१३. पुढविकाइय-आउकाइय-वणस्सइकाइयाणं तेउलेसाए ततियो भंगो। सेसपएसु सव्वत्थ पढम-ततिया भंगा।
१४. तेउकाइय-वाउकाइयाणं सव्वत्थ पढम-ततिया भंगा। १. पढमबितिया मु०, अपपाठोऽयम् ॥
Jain Education International
For Private & Personal Use Only
www.jainelibrary.org
