Page #1
--------------------------------------------------------------------------
________________ ajJAtakartRka samavasaraNastotra __- saM. A. araviMdasUri pacIseka varSa pahelA mAlagAma (rAjasthAna)nA upAzrayamAM asta-vyasta paDelAM pAnAomAthI koI vidvAne saMgraha karela stotronAM dazeka pAnAM maLayAM. AgaLanA patro maLyA nathI ane maLelA patromAM stotrAdinA kartAno, saMgrahakartAno ke lekhanasaMvat va. kazo ullekha nathI. soLamA ke sattaramA saikAmAM lakhAyelI pratanA akSaro jhINA paNa maroDadAra suMdara che. kyAMka kyAMka mArjinamAM agharA zabdonA artho ke jApa AdinI vidhi batAvI che. dareka patranI banne bAju 19-19 paMkti ane dareka paMktimA 60 jeTalA akSase dharAvatA A patromA 22 jeTalI kRtio che. emAM eka moTI zAMti (bho bho bhavyAH ane eka gautamasvAmiaSTaka (zrIindrabhUti) sivAyanI kRtio ajANI ane prAyaH aprasidhdha che. chellI traNane bAda karatAM bAkInI badhI saMskRta kRti che. A saMgrahanI prathama kRti samavasaraNastava (saMskRta) ahIM prastuta che. samavasaraNa-stotram satkevalajJAnamahAprabhAbhiH prakAzitAzeSajagatsvarUpam / stavImi taM vIrajinaM suraughA yaddezanAsadmani cakrurevam // 1 // AyojanaM bhUmitalasya sanmArjanaM vyadhuH vAyukumAradevAH / tasyaiva gandhodakavarSaNena, rajaHprazAnti vidadhuzca meghAH / / 2 / / saratramANikyazilAbhiriddhaM, vidhAya tatrA'calapIThabandham / kiranti puSpANi vicitravarNAnyasyopari vyantararAjavaryAH / / 3 / / vaimAnikA jyotiSikAzca tatra sadbhaktibhAjo bhuvanAdhipAzca / vapratrayaM ratnasuvarNarUpyamayaM vicakrughutibhAsitA''zam / / 4 / / Abhyantare ratnamaye vizAle, sAle virejuH kapizIrSakANi / suraiH praklRptAni maNImayAni, saddarpaNA: kiM nanu dharmalakSmyAH / / 5 / / vimadhyame ratnamayAni tAni haimAni cAmUni bhisthvpre| gavyUtamekaM dhanuSAM zatAni, SaDeva teSAmiyamantarurvI // 6 //
Page #2
--------------------------------------------------------------------------
________________ 28 bAhulyameSAM dhanuSAM trayastriMzadeka[zca]hasto'GgulakAni cASTau / lasaccaturdAravirAjitAnAM tathoccatA paMcadhanuHzatAni / / 7 / / bhUmeH sahasrANi dazaiva gatvA, sopAnakAnAM prathamo'tra vapraH / dhanUMSi paMcAzadataH samA bhUH, sopAnakAnAM hi tato'yutAH / / 8 / / dvitIyavapro'tra tadantare'bhUt, vidhistu pUrvodita eva srvH| tatastRtIyo'pi babhUva vaprastadaMtaraM vA maNipIThabaMdhAt / / 9 / / itthaM sahasrA daza paMca paMca, krameNa zAlatrayasaMgatAnAm / sopAnakAnAM pramitistvamISAM, karaikamAnonnati-vistarAbhyAm // 10 // pramANametat sakalaM vibodhyaM nijainijaireva karairjinAnAm / dehAdivaicitryata eva teSAM, na cAnyathA saMgatimaMgatIdam / / 11 / / bhUmitalAdUrdhvamathAddhayuktagavyUtayugmaM parito'dhiruhya / tRtIyavapre bahumadhyadeze, jyotirjaTAlaM maNipIThamAsIt / / 12 / / viSkambhatazcApazatadvayaM tadaunnatyataH zrIjinadehamAnam / virejurasyopari cArusiMhAsanAni catvAri maNImayAni // 13 / / maNImayacchaMdakasaMgatAni cA'zokavRkSaM paritaH sthitAni / chatratrayeNordhvagatena candraprabhAsamAnadhutinA yutAni / / 14 / / suparvasaJcAritapaGkajeSu, nyAsaM dadhAnaH kramapaGkajAnAm / siMhAsanaM svAmivaro'tha bheje, pUrvAmukhaM pUrvagiri yathAMzuH // 15 // tato vyadhIyanta ca zeSadikSu sadvyantaraistat pratirUpakANi / caturmukhastairbhagavAn vireje, caturvidhaM dharmamivopadeSTum / / 16 / / tat pArzvayoryakSavarA babhUvuH kare dharanto varacAmarANi / abhraMlihAH svAmipuro virejurmahAdhvajA ratnamayoccadaNDA : / / 17 / / puro jinendrasya ca dharmacakracatuSTayI cArurucirbabhAse / prakhyApayantI bhavinAM manassu saddharmacakritvamapUrvamasya / / 18 / / AgneyakA mukhya vidikSu tisraH, pratyekamasthuzca sabhAH krameNa / susAdhavaH kalpasurAMganAzca, sAdhvyazca dharmazravaNaika-niSNAH // 19 //
Page #3
--------------------------------------------------------------------------
________________ 29 jyoti: patInAM bhuvanAdhipAnAM, sadvyantarANAM ca vilAsavatyaH / trayo'pi te devavarAstato'pi, vaimAnikA martyavarAH striyazca // 20 // tiryagvarAH siMhamRgAhibabhru-mukhyAH prazAnta dvitIye'tha vpre| saMtyaktavairA bhagavadvacAMsi, papuH kaNehatyakRtodmavaktrAH // 21 / / yAnAni vapre tRtIye babhUvu niyaMtraNA no vikathAbhayaM na / na matsarastatra paraspareNA'bhavajjinendrasya kaTa prabhAvaH / / 22 / / Asan pratidvAramihAvalambi dhvajAni caJcanmaNitoraNAni / paMcAlikA maGgalakAni cASTau, satpUrNakumbhA varadhUpaghaTya : / / 23 / / mANikyavapre pratihArUpa: saudharmanAtho vanajAdhipazca / dvAre'vatasthe bhuvanAdhipo'tha jyoti:patiste tu vicitravarNAH / / 24 / / sauvarNavapre vijayA jayA ca, jitAbhidhAnA'pyaparAjitA ca / dvArasthitAH zastrakarAstathaitA: dauvArikatvaM vidadhurjinasya / / 25 / / vapre bahistuMbaranAmadevaH khaTvAMganAmA puruSo'sti maalii| ete pratidvAramudAttadaMDAH kramAjjaTAmaMDitamaulayo'sthuH // 26 // maNImayacchandaka eva AsIdIzAnakoNe jinavizramAya / mANikyavaprasya bahi; suraudhairvinirmitaH kiM nu nijairmahobhiH // 27 // saddezanAsAnivRttarUpe, bahisthavaprasya kila pradeze / dve dve bhavetAM varapuSkariNyau, koNeSu caikA caturasrake syAt / / 28 // gAyanti nRtyanti ca devasaMghA jinendrasaMdarzanato'tihaSTAH / pramodamantaHsthamanAsavanto, dhartuM vimuJcanti ca siMhanAdAn // 29 // indrAdika: kopi mahaddhiko'tha sameti devo yadi bhaktiyuktaH / sarvaM tadaikaH kurute sa yadvA bhakteH prabhutvasya ca kiM na sAdhyam / / 30 / ajAtapUrvaH kila yatra yatra, mahaddhika: kopi sameti devaH / idaM punastatra bhavedavazyaM, suprAtihAryANi niraMtaraM syuH // 31 // jagaccamatkArakaraizcatustriMzatAbhirAmAtizayaiH samagraiH / nirvANamArga prathayan janAnAM ciraM jagatyAM jayatAt jinendraH // 32 //
Page #4
--------------------------------------------------------------------------
________________ 30 sa sarvabhASAnugayA jineMdraH sadbhASayA yojanavistariNyA / saMprINayAmAsa samagralokaM kokaM yathA'harpatirastazokam / / 33 / / itthaM zrIjinarAjavIra ! bhavataH samyag vidhAya stavaM, yatpuNyaM samupArjitaM kila mayA bhAvasya nairmalyataH / tenA'yaM sakalo'pi bhavyanivahastvacchAsane bhaktimAn, bhUtvA bhadrazatAnyavApya ca parAmAlambyatAM nirvRtim // 34 // iti zrIsamavasRtistavaH samAptaH / /