Bhuvansundari Kathayam Varnitani Samudrik Shastra Kathit Lakshanani

Author(s): Shilchandrasuri
Publisher: ZZ_Anusandhan
Catalog link: https://jainqq.org/explore/229332/1

Page #1
bhuvanasuMdarIkathAyAM varNitAni sAmudrikazAstrakathitalakSaNAni // . saM. vijayazIlacandrasUri vi.saM. 975mAM nAgendrakulanA AcArya vijayasiMhasUrie 8911 gAthApramANa, prAkRtabhASAbaddha bhuvaNasuMdarIkA nAme adbhuta kathAgranthanI racanA karI che. adyAvadhi apragaTa A grantha hAla mudraNAdhIna che. A kathAgraMthamA eka sthaLe kartAe manuSyanAM sAmudrika dehalakSaNonuM rocaka-zAstrIya varNana kayuM che, te ahIM ApavAmAM Ave che. saMskRta bhASAmAM to A viSayanA grantho hoya che. prAkRtamAM A viSayarnu bhAgye ja kheDANa thayuM che, tethI A saMdarbha rasikajanone rasaprada banaze tevI AzAthI atre prakAzita karavAmAM Ave che. asseyakomalatale kamalodarAbhe, lINaMgulIruirataMbanahesu paNhI / uNhe sirAvirahie ya nigUDhagupphe, kummunnae ya caraNe vasuhAhivassa // 1 // pariviralasaNharomArhi vaTTajaMghAhiM huMti naranAhA / karikarasamANaUrU maMsala-samajANuNo purisA // 2 // romegegaM kUvae patthivANaM, do do nee baMbhaNANaM buhehiM / te nAyavve dutthiyANaM bahUNi, romA evaM pUiyA niMdiyA ya // 3 // tucche hoi dhaNI avaccarahio jo thUlaliMgo naro * vAma vaMkagae suyattharahio annattha puttesaro / dAriddI ailaMbaliMgakahio liMge sirAsaMgae tucchAvacca-dhaNo havejja suhio gaMThimmi thUle nare // 4 // kusumasamasukkagaMdhA vineyA patthivA na saMdeho / mahugaMdhA ya dhaNaDDA macchadugaMdhA ya bahudukkhA // 5 // taNusukko bahudhUo bahusukko bahusuo naro hoi / bahusurao dIhAU iyaro tucchAuo hoi // 6 //

Page #2
anusaMdhAna - 16* 29 nisso ai thUlaphio maMDUyaphio ya hoi dhaNavaMto / siMhakaDI naranAho karahakaDI ya sadAridda // 7 // samajaThara dhaNavaMtA hassavakkehiM bhoyaparihINA / samakucchI bhoyaDDA unnayakucchI ya naranAho // 8 // je visamakucchipurisA te kira mAyAviNo viNiddiTThA / sappodara dariddA havaMti bahubhakkhagA tahaya // 9 // parimaMDalunnaeNaM gaMbhIreNaM ca sutthiyA hoMti / tuccha - adissa- aNunnanAhIvalaeNa puNa duhiyA // 10 // visamabaliNo maNussA agammagAmI ya huti pAvA ya / samabaliNo puNa suhiNo paradAraparammuhA hoMti // 11 // pAsehiM mauya-maMsala--paryAkkhiNAvattaromajuttehiM / huti narAmaravaNo vivarIehiM ca bahudukkhA // 12 // ApIyauvaciehiM majjhanimaggehiM huMti naranAhA / dIhiM cuccuehiM visamehiM ya huMti dhaNahINA // 13 // hiyayaM samunnayaM maMsalaM ca pihulaM ca hoi rAyANa 1 visamahiyayA dariddA satthanivAehiM ya maraMti ||14|| kaMbuggIvo rAyA mahisaggIvo ya hoi raNasuhaDo / laMbaggIvo ya naro bahubhakkhI hoi payaIe || 15 || piTuma bhaggamaromaM puhaInAhANa hoi vitreyaM / asseyaNa- pINu-naya- sugaMdhakakkhA ya dhannA // 16 // viule avvucchitre susiliTTe aMsae nariMdassa / nimmaMsaromanicie visame uNa iyaraloyassa ||17|| karikarasarise vaTTe AjANupalaMbire ya pINe ya / rAyANaM ciya bAhU iyarANaM romase hasse ||18||

Page #3
anusaMdhAna-16 . 30 gUDhamaNibaMdhasudiDhA sammaM susiliTThasaMdhisaMjuttA / hatthA naranAhANaM vivarIyA hoMti iyarANa / / 19 / / hatthaMguliNo saralA cirAusANaM havaMti sukumArA / saNhA mehAvINaM thUlA parakkammakArINa // 20 // huti nahA darasoNA apupphiyA avaNayaMggabhAgA ya / rAyANaM iyaresiM vivarIyA hoMti vinneyA / / 21 // aikisadIhaM cibuyaM adhaNANaM maMsalaM ca supamANaM / rAyANaM vineyaM aNubbhaDaM saMgayAvayavaM // 22 // aharehiM avakkehiM biMbAkArehi hu~ti rAyANo / phuDiya-vivanavikhaMDiya-rukkhehiM ya huMti dhaNahINA // 23 // niddhA pamANadIhA tikkhaggA huMti suMdarA dasaNA / jIhA rattA dIhA laNhA sarisA ya rAyANa // 24 // somaM samujjalaM amaliNaM ca caMdovamaM nariMdANaM / vivarIyamadhannANaM hoi muhaM lakkhaNavihINaM // 25 / / nimmaMsa-AyaehiM yA romasa-viulehiM huMti kannehiM / rAyANo sasirehiM hussehiM ya huMti pAvanarA // 26 // saMpuna-samaMsala-kUcarahiyagaMDehiM naravaI huMti / saralA ya saNhavivarA samunnayA nAsiyA dhannA // 27 // paumadaladIharehi rattaMtehiM ca hu~ti rAyANo / nayaNehi piMgalehiM majjArasamehiM kUramaNA // 28 // addhidusamaniDAlA rAyANo hu~ti sayalamahivalae / dhaNahINA vineyA purisA je visamabhAlayalA / / 29 / / cchattAgArasirA je rAyANo huMti natthi saMdeho / AkuMciya-ghaNa-niddhA apphuDiyA suMdarA kesA // 30 // ||30

Page #4
anusaMdhAna-16 . 31 eyaM saMkheveNaM sAmuddayasatthalakkhaNANugayaM / kahiyaM kumAra ! tuha koueNa, annaM pi nisuNesu // 31 // tinni gahIrANi sayA viulAi ya huti titri vattAI / cattAri ya rahassAiM paMca ya suhumAiM dIhAI // 32 // chaccunnayAI satta ya ArattAiM ca saMpayamimassa | gAhAdugassa kamaso, vivaraNameyaM nisAmeha / / 33 / / nAbhI-sara-sattAI ya gaMbhIrAiM ca tinni dhannAI / vayaNaM uraM niDAlaM tinni ya viulAI saMsaMti // 34 / / piTuM liMgaM jaMghaM gIvA cattAri hoMti hussAI / kesa-dasaNaMgulI-pavva-nahaMtayA paMca suhumANi // 35 / / haNu-nayaNa-thaNaMtara-bAhU-nAsiyA hoMti paMca dIhAI / rAyANaM ciya bahuso na uNo sAmannapurisANa // 36 / / hiyayaM kakkhA-naha-nAsiyA ya vayaNaM ca kaMdharAbaMdho / iya huMti unnayAI kumara ! pasatthAI chacceva // 37 / / nayaNaMta-pAya-kara-jIha-nahA-haroTThA tAlU ya huti suhayA iha sattarattA / eyANi jassa naranAha ! havaMti aMge sallakkhaNANi purisassa sa cakkavaTTI // 38 // aTThasayaM chanauI caurAsIi ya aMgulapamANaM / uttama majjhima-hINANa dehapamANaM maNussANa // 39 //