Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurUbhyo namaH gacchAyAro-sattamaM paiNNayaM muni dIparatnasAgara Date: / / 2012 Jain Aagam Online Series-30/1
Page #2
--------------------------------------------------------------------------
________________ 30/1 gaMthANukkamo kamako visaya suttaM gAhA aNukkamo | | piTThako maMgalaM-AI 3-6 3-6 gaccha saMvasamANassaguNA sUri-sarUvaM-vaNNaNaM 7-40 7-40 gurU sarUvaM-vaNNaNaM 41-106 41-106 ajjA sarUvaM-vaNNaNaM 107-134 107-134 134-137 | 134-137 upasaMhAra [dIparatnasAgara-saMzodhitaH] [1] [30|1|gacchAyAro]
Page #3
--------------------------------------------------------------------------
________________ bAlabrahmacArI zrI neminAthAya namaH namo namo nimmaladaMsaNassa OM hrIM namo pavayaNassa 30/1 | gacchAyAraM - sattamaM paiNNayaM-1 | [1] namiUNa mahAvIraM tiyasiMdanamaMsiyaM mahAbhAgaM / gacchAyAraM kiMcI uddharimo suyasamuddAo || [2] atthege goyamA ! pANI, je ummaggapaiTiThae / gacchaMmi saMvasittANaM, bhamaI bhavaparaMparaM / / [3] jAmaddhaM jAma dina pakkhaM, mAsaM saMvaccharaM pi vA / samaggapaTThie gacche, saMvasamANassa goyamA [4] lIlA alasamANassa, nirucchAhassa vImaNaM / pikkhavikkhAi annesiM, mahAnubhAgANaM sANaM [5] ujjamaM savvathAmesu, ghoraM vIra-tavAiyaM / lajjaM saMkaM aikamma, tassa viriyaM samucchale / / [6] vIrieNaM tu jIvassa, samucchalieNaM goyamA jammatarakae pAve, pANI muhutteNa niddahe / / [7] tamhA niuNaM nihAle, gacchaM sammaggapaThiyaM / vasijja tattha Ajamma, goyamA ! saMjae munI [8] meDhI AlaMbanaM khaMbha, diThI jANaM suuttamaM / sUrI jaM hoi gacchassa, tamhA taM tu parikkhae / / [9] bhayavaM ! kehiM liMgehiM, sUriM ummaggapaTThiyaM viyANijjA chaumatthe, munI ! taM me nisAmaya / / [10] sacchaMdayAriM dussIlaM, AraMbhesu pavattayaM / pIDhayAi paDIbaddha AThakkAya vihiMsagaM [11] mUluttaraguNabbhaLaM sAmAyArI virAhayaM / adinnAloyaNaM niccaM, niccaM vigahaparAyaNaM / / [12] chattIsaguNasamannAgaeNa teNa vi avassa dAyavvA / parasakkhiyA visohI suThu vi vavahAra-kusaleNaM / / / [13] jaha sukusalo'vi vijjo annassa kahei attaNo vAhiM / vijjuvaesaM succA pacchA so kamma-mAyarai / / [14] desaM khittaM tu jANitA, vatthaM pattaM uvassayaM / saMgahe sAhuvaggaM ca, suttatthaM ca nihAlaI / / [15] saMgahovaggahaM vihiNA, na karei ya jo gaNI / samaNaM samaNiM tu dikkhittA, sAmAyAriM na gAhae || [dIparatnasAgara-saMzodhitaH] [2] [30|1|gacchAyAro]
Page #4
--------------------------------------------------------------------------
________________ gAhA-16 ? || [16] bAlANaM jo 3 sIsANaM, jIhAe uvaliMpae | na sammaM maggaM gAhei, so sUrI jANa verio || [17] jIhAe vilihaMto na bhaddao sAraNA jahiM natthi / daMDeNa vi tADaMto sa bhaddao sAraNA jattha / / [18] sIso'vi verio so u, jo guruM na vibohae | pamAya-mairAghatthaM, sAmAyArI virAhayaM / / [19] tumhArisAvi munivara ! pamAyavasagA havaMte jai purisA | teNa ko anno amhaM AlaMbana hujja saMsAre [20] nANaMmi daMsaNammi ya caraNami ya tisu vi samayasAresu / coei jo ThaveThaM gaNamappANaM ya so ya gaNI / / [21] piMDaM uvahiM ca sijjaM uggama-uppAyaNe-saNAsuddhaM / cArittarakkhaNaTThA sohiMto hoi sa carittI / / [22] aparissAvI samma samapAsI ceva hoi kajjesu / so rakkhar3a cakkhU pi va sabAla-vuDDhAulaM gacchaM / / [23] sIyAvei vihAraM suhasIlaguNehiM jo abuddhIo / so navari liMgadhArI saMjamajoeNa nissAro / / [24] kula-gAma-nagara-rajjaM payahia jo tes kuNai a mamattaM / so navari liMgadhArI saMjamajoeNa nissAro [25] vihiNA jo u coeDa. sattaM atthaM ca gAhae / so dhanno so ya puNNo ya, sa baMdhU mokkhadAyago / / [26] sa eva bhavva-sattANaM, cakkhubhUe viyAhie / daMsei jo jiNuddiTheM, anuTThANaM jahaTThiyaM / / [27] titthayarasamo sUrI sammaM jo jinamayaM payAsei / ANaM aikkamaMto so kApuriso na sappuriso [28] bhaTThAyAro sUrI bhaTThAyArAnuvekkhao sUrI | ummagaThio sUrI tinni vi maggaM paNAsaMti / / [29] ummaggaThie sammagganAsae jo ya sevae sUrI | niyameNaM so goyama ! appaM pADei saMsAre / / [30] ummaggaThio ekko'vi nAsae bhavvasattasaMghAe / taM maggamanusaraMte jaha kuttAro naro hoi / / [31] ummagga-magga-saMpaTThiyANa sUrINa goyamA saMsAro ya anaMto hoi ya sammagganAsINaM / / [32] suddhaM susAhumaggaM kahamANo Thavai taiyapakkhaMmi / appANaM iyaro puNa gihatthadhammAo cukkotti ! nUnaM / [dIparatnasAgara-saMzodhitaH] [3] [30|1|gacchAyAro]
Page #5
--------------------------------------------------------------------------
________________ gAhA-33 [33] jai vi na sakkaM kAuM sammaM jinabhAsiyaM anuTThANaM / to samma bhAsijjA jaha bhaNiyaM khINarAgehiM [34] osanno'vi vihAre kammaM sohei sulabhabohI ya / caraNa-karaNaM visuddhaM uvavUhiMto parUvito / / [35] sammagga-magga-saMpaTThiyANa sAhUNa kuNai vacchallaM / osaha-bhesajjehi ya sayamanneNaM tu kArei / / [36] bhUe atthi bhavissaMti keI telukka namiya-kamajuyalA | jesiM parahiya-karaNekka-baddhalakkhANa volihii kAlo || [37] tIyANAgayakAle keI hohiMti goyamA .! sUrI / jesiM nAmaggahaNe vi hujja niyameNa pacchittaM [38] jao-sayarIbhavaMti aNavekkhayAi jaha bhicca-vAhaNA loe / paDipucchAhiM coyaNa tamhA 3 gurU sayA bhayai / / [39] jo u ppamAyadoseNaM, AlasseNaM taheva ya / sIsavaggaM na coei, teNa ANA virAhiyA / / [40] saMkheveNa mae somma !, vaNiyaM gurulakkhaNaM | gacchassa lakkhaNaM dhIra !, saMkheveNaM nisAmaya / / [41] gIyatthe je susaMvigge, anAlassI daDhavvae / akkhaliya-carite sayayaM, rAga-ddosavivajjae || [42] niTThaviya aTThamayaTThANe, sosiya kasAe jiiMdie / viharijjA teNa saddhiM tu, chaumattheNa vi kevalI / / [43] je aNahiya-paramatthA, goyamA ! saMjayA bhave | tamhA te 3 vivajjijjA, doggaI paMthadAyage || [44] gIyatthassa 3 vayaNeNaM, visaM hAlAhalaM pibe | nivvikappo ya bhakkhijA, takkhaNaM jaM samuddave / / [45] paramatthao visaM no taM, amayarasANaM khu taM / nivigghaM jaM na taM mAre, mao vi amayassamo [46] agIyatthassa vayaNeNaM, amayaMpi na ghuTae / jeNa no taM bhave amayaM, jaM agIyattha-desiyaM [47] paramatthao na taM amayaM visaM hAlAhalaM khu taM / na teNa ajarAmaro hajjA, takkhaNA nihaNaM vae || [48] agIyattha-kusIlehiM, saMgaM tiviheNa vosire / mukkhamaggassime vigdhaM, pahamI teNage jahA / / [49] pajjaliyaM huyavahaM daTuM, nissaMko tattha pavesiThaM / attANaM niddahijjAhi, no kusIlassa allie / / [dIparatnasAgara-saMzodhitaH] [4] [30|1|gacchAyAro]
Page #6
--------------------------------------------------------------------------
________________ gAhA-50 // - - // [50] pajalaMti jattha dhagadhagassa gurUNAvi coie sIsA / rAga-ddoseNa vi anusaeNaM taM goyama __! na gacchaM [51] gaccho mahAnubhAvo tattha vasaMtANa nijjarA viulA / sAraNa-vAraNa-coyaNamAIhiM na dosapaDivattI [52] guruNo chaMdaNuvittI suvinIe jiyaparIsahe dhIre / navi thaddhe navi luddhe navi gAravie na vigahasIle / / [53] khaMte daMte gutte mute veragga-magga-mallINe / dasaviha-sAmAyArI - Avassaga saMjamujjutte / / [54] khara-pharusa-kakkasAe'niTThaduTThAe niThuragirAe / nibbhacchaNa niddhADaNamAIhiM na je paThassaMti / / [55] je ya na akittijaNae nAjasajaNae na'kajjakArI ya / na pavayaNa-uDDAhakare kaMThaggaya-pANasese'vi [56] gurUNA kajjamakajje khara-kakkasa-duTTha-niThuragirAe / bhaNie tahatti sIsA bhaNaMti taM goyamA ! gacchaM [57] dUrujjhiya pattAisu mamattae nippihe sarIre'vi / jAyama-jAyAhAre bAyAlIsesaNA-kusale / / [58] taMpi na rUva-rasatthaM na ya vaNNatthaM na ceva dappatthaM / saMjamabhara-vahaNatthaM akkhovaMgaM va vahaNatthaM / / [59] veyaNa veyAvacce IriyaThAe ya saMjamAe | taha pANavattiyAe chaTheM puNa dhammaciMtAe || [60] jattha ya jeTTha-kaniTTho jANijjai jeTThavayaNa-bahumAno / divaseNa vi jo jeTTho na hIlijjai sa goyamA ! gaccho [61] jattha ya ajjAkappaM pANaccAe vi roradabbhikkhe / na ya paribhuMjai sahasA goyama ! gacchaM tayaM bhaNiyaM / / [62] jattha ya ajjAhiM samaM therA vi na ullaviMti gayadasaNA | na ya jhAyaMtI thINaM, aMgovaMgAI taM gacchaM [63] vajjeha appamattA ajjAsaMsaggi aggi-visasarisaM | ajjAnucaro sAhU lahai akittiM khu acireNa [64] therassa tavassiyassa va bahussuyassa va pamANabhUyassa / ajjA-saMsaggIe jana-jaMpaNayaM havijjA hi / / [65] kiM puna tarUNo abahussuo ya na ya vi hu vigiTThatavacaraNo / ajjA-saMsaggIe jana-jaMpaNayaM na pAvijjA ? || [66] jai vi sayaM thiracitto tahA vi saMsaggiladdhapasarAe / aggisamIve va ghayaM vilijja cittaM khu ajjAe / / [dIparatnasAgara-saMzodhitaH] [5] [30|1|gacchAyAro]
Page #7
--------------------------------------------------------------------------
________________ gAhA-67 [67] savvattha itthivaggaMmi appamatto sayA avIsattho / nittharai baMbhaceraM tavivarIo na nittharai / / [68] savvatthesu vimutto sAhU savvattha hoi appavaso | so hoi aNapavvaso ajjANaM anucaraMto 3 / / [69] khelapaDiyamappANaM na tarai jaha macchiA vimoeuM / ajjAnucaro sAhU na tarai appaM vimoeuM / / [70] sAhussa natthi loe ajjAsarisI hu baMdhaNo uvamA | dhammeNa saha ThaveMto na ya sariso jANa asileso || [71] vAyAmitteNa vi jattha bhaTThacarittassa niggahaM vihiNA | bahuladdhijuyassA vi kIrai guruNA tayaM gacchaM [72] jattha ya sannihi-ukkhaDa-AhaDamAINa nAmagahaNe'vi | pUIkammA bhIyA AuttA kappa-tippesu / / [73] maThae niyasahAve hAsa -davavivajjie vigahamukke / asamaMjasamakarite goarabhUmaTTha viharaMti / / [74] muNiNo nAnAbhiggaha dukkara-pacchitta-manucaraMtANaM / jAyai cittacamakkaM deviMdANaM pi taM gacchaM / / [75] puDhavi-daga-agani-mAruya vaNapphai-tasANa-vivihajIvANaM | maraNaMte vi na pIDA kIrai manasA tayaM gacchaM / / [76] khajjaripattamaMjeNa, jo pamajje uvassayaM / no dayA tassa jIvesu, sammaM jANAhi goyamA [77] jattha ya bAhirapANissa biMdumittaM pi gimhamAIsu / taNhA-sosiya-pANA maraNe'vi munI na giNhaMti / / [78] icchijjai jattha sayA bIyapaeNA vi phAsuyaM udayaM / AgamavihiNA niThaNaM goyama ! gacchaM tayaM bhaNiyaM / / [79] jattha ya sUli visUiya annayare vA vicittamAyake | uppanne jalaNujjAlaNAi na karei taM gacchaM / / [80] bIyapaeNaM sArUvigAi-saDaDhAimAiehiM ca / kAriMto jayaNAe goyama ! gacchaM tayaM bhaNiyaM || [81] pupphANaM bIyANaM tayamAINaM ca viviha davvANaM / saMghaTTaNa pariyAvaNa jattha na kujjA tayaM gacchaM [82] hAsaM kheDDA kaMdappa nAhiyavAyaM na kIrae jattha / dhAvaNa-DevaNa-laMghaNa mamakArA'vaNNa-uccaraNaM / / [83] jatthitthIkarapharisaM aMtariyaM kAraNe'vi uppanne / diTThIvisa dittaggI visaM va vajjijjae gacche [dIparatnasAgara-saMzodhitaH] [6] [30|1|gacchAyAro]
Page #8
--------------------------------------------------------------------------
________________ gAhA-84 = [84] bAlAe vuDDhAe natuya duhiyAe ahava bhaiNIe / na ya kIrai tanpharisaM goyama ! gacchaM tayaM bhaNiyaM || [85] jatthitthIkarapharisaM liMgI arihA vi sayama vi karijjA | taM nicchayao goyama ! jANijjA mUlaguNa-bhaTThe || [86] kIrai bIyapaeNaM suttamabhaNiyaM na jatthavihiNA cha / uppanne puNa kajje dikkhA-AyaMkamAIe [87] mUlaguNehiM vimukkaM bahuguNakaliyaM pi laddhisaMpannaM / uttamakule'vi jAyaM niddhADijjai tayaM gacchaM [88] jattha hiraNNa-suvaNNe dhana-dhanne kaMsa-taMba-phalihANaM / sayaNANa AsaNANa ya jhusirANaM ceva paribhogo [89] jattha ya vAraDiyANaM tattaDiyANaM ca taha ya paribhogo / mottuM sukkila-vatthaM kA merA tattha gacchammi ? || [90] jattha hiraNNa-suvaNNaM hattheNa parANagaM pi no chippe | kAraNasamappiyaM-pi hu nimisa-khaNaddhaM pi taM gacchaM / / [91] jattha ya ajjAladdhaM paDigahamAI vi vivihamuvagaraNaM / paribhujai sAhUhiM taM goyama ! kerisaM gacchaM [92] aidullaha-bhesajja bala-buddhivivaDDhaNaM pi puTThikaraM / ajjAladdhaM bhuMjai kA merA tattha gacchaMmi [93] ego egitthie saddhiM, jattha ciTThijja goyamA saMjaIe viseseNaM, nimmeraM taM tu bhAsimo / / [94] daDhacAritaM mottuM AijjaM mayaharaM ca guNarAsiM / ekko ajjhAveI tamanAyAraM na taM gacchaM / / [95] ghanagajjiya-hayakuhiyaM vijjU - duggijjha-gUDhahiyayAo / ajjA avAriyAo itthIrajjaM na taM gacchaM [96] jattha samuddesakAle sAhUNaM maMDalIe ajjAo / goyama ! ThavaMti pAe itthIrajjaM na taM gacchaM / / [97] jattha muNINa kasAe jagaDijjaMtA vi parakasAehiM / nicchaMti samuThe suniviTTho paMgulo ceva / / [98] dhammaMtarAyabhIe bhIe saMsAra-gabbhavasahINaM / na uIraMti kasAe munI muNINaM tayaM gacchaM [99] kAraNamakAraNeNaM aha kaha vi muNINa uThThihiM kasAe | udie vi jattha rUMbhehiM khAmijjai jattha taM gacchaM / / [100] sIla-tava-dAna-bhAvanA caThaviha-dhammaMtarAya-bhayabhIe | jattha bahU gIyatthe goyama ! gacchaM tayaM bhaNiyaM -- = [dIparatnasAgara-saMzodhitaH] [7] [30|1|gacchAyAro]
Page #9
--------------------------------------------------------------------------
________________ gAhA-101 - [101] jattha ya goyama ! paMcaNha kaha vi sUNANa ikkamavi hujjA | taM gacchaM tiviheNaM vosiriya vaejja annattha / / [102] sUNAraMbhapavattaM gacchaM vesujjalaM na sevijjA | jaM cArittaguNehiM tu ujjalaM taM tu sevijjA / / [103] jattha ya muNiNo kayavikkayAI kuvvaMti saMjamubbhaTThA / taM gacchaM guNasAyara ! visaM va dUraM pariharijjA [104] AraMbhesu pasattA siddhaMtaparammuhA visayagiddhA / mottuM muNiNo goyama ! vasijja majjhe suvihiyANaM / / [105] tamhA samma nihAle, gacchaM sammaggapaTThiyaM / vasijjA pakkha mAsaM vA, jAvajjIvaM tu goyama [106] khuDDo vuDDho tahA seho, jattha rakkhe uvassayaM / tarUNo vA jattha egAgI, kA merA tattha bhAsimo ? || [107] jattha ya egA khuDDI egA tarUNI u rakkhae vasahiM / goyama ! tattha vihAre kA suddhI baMbhacerassa ? || [108] jattha ya uvassayAo bAhiM gacche muhattamittaMpi / egA rattiM samaNI kA merA tattha gacchassa ?, || [109] jattha ya egA samaNI ego samaNo ya jaMpae somma niyabaMdhuNA vi saddhiM taM gacchaM gacchaguNahInaM [110] jattha jayAramayAraM samaNI jaMpai gihatthapaccakkhaM / paccakkhaM saMsAre ajjA parikkhivai appANaM [111] jattha ya gihatthabhAsAhiM bhAsae ajjiyA suruTThAvi / taM gacchaM guNasAyara ! samaNa-guNa-vivajjiyaM jANa / / [112] gaNi goyama ! jA uciyaM, seyaM vatthaM vivajjiU | sevae cittarUvANi, na sA ajjA viyAhiyA / / [113] sIvaNaM tunnaNaM bharaNaM, gihatthANaM tu jA kare / tillauvvaTThaNaM vA vi, appaNo ya parassa ya / / [114] gacchai savilAsagaI sayanIyaM tUliyaM sabibboyaM / uvvaTTeDa sarIraM siNANamAINi jA kuNai / / [115] gehesu gihatthANaM gaMtUNa kahA kahei kAhIA / tarUNAi ahivaDate anujANe sA u paDinIyA [116] vuDDhANaM tarUNANaM rattiM ajjA kahei jA dhamma / sA gaNiNI guNasAyara ! paDinIyA hoi gacchassa [117] jattha ya samaNINamasaMkhaDAI gacchaMmi neva jAyaMti / taM gacchaM gacchavaraM gihatthabhAsAo no jattha / / - - - - [dIparatnasAgara-saMzodhitaH] [8] [30|1|gacchAyAro]
Page #10
--------------------------------------------------------------------------
________________ gAhA-118 [118] jo jatto vA jAo nA''loai divasapakkhiaM vA vi / sacchaMdA samaNIo mayahariyAe na ThAyaMti [119] viMTaliANi paThaMjaMti gilANa sehINa neva tippaMti / anagADhe AgADhaM kareMti AgADhi anagADhaM || [120] ajayaNAe pakuvvaMti, pAhuNagANa avacchalaM | cittallayANi a sevaMti, cittA rayaharaNA tahA || [121] gai-vibbhamAiehiM AgAravigAra taha pagAsiMti / jaha vuDDhANa vi moho samuIrai kiM tu taruNANaM ? || [122] bahuso uccholiMtI muha-nayaNe hattha-pAya-kakkhAo / giNhei rAgamaMDala soiMdiya taha ya kabbaThe / / [123] jattha ya therI tarUNI ya therI tarUNI ya aMtare suyai / goyama ! taM gacchavaraM vara-nANa-caritta-AhAraM / / [124] dhoiMti kaMThiyAo poiMti taha ya diti pottANi | gihakajjaciMtagIo na ha ajjA goyamA ! tAo || [125] khara-ghoDAiTThANe vayaMti te vA vi tattha vaccaMti / vesatthI saMsaggI uvassayAo samIvaMmi / / [126] chakkAyamukkajogA dhammakahA vigaha pesaNa gihINaM / gihinissajaM vAhiMti saMthavaM taha karatIo / / [127] samA sIsa paDicchINaM, coyaNAsu anAlasA | gaNiNI guNasaMppannA, pasattha purisAnugA / / [128] saMviggA bhIyaparisA ya, uggadaMDA ya kAraNe / sajjhAya-jjhANajuttA ya, saMgahe a visArayA / / [129] jatthuttara-paDiuttara-vaDiA ajjA 3 sANA saddhiM / palavaMti suruTThA vI goyama ! kiM tena gaccheNa ? || [130] jattha ya gacche goyama ! uppanne kAraNaMmi ajjAo | gaNiNI piTiThaThiyAo bhAsaMtI maThaya saddeNaM / / [131] mAUe duhiyAe suNhAe ahava bhaiNimAINaM / jattha na ajjA akkhar3a gutti vibheyaM tayaM gacchaM / / [132] daMsaNaiyAraM kuNaI carittanAsaM jaNei micchataM / doNha vi vaggeNa'jjA vihArabheaM karemANI / / [133] taM mUlaM saMsAraM jaNei ajjA vi goyamA ! nUnaM / tamhA dhammuvaesaM mottuM annaM na bhAsijjA / / [134] mAse mAsa u jA ajjA, egasittheNa pArae / kalahe gihattha-bhAsAhiM, savvaM tIe niratthayaM / / [dIparatnasAgara-saMzodhitaH] [9] [30|1|gacchAyAro]
Page #11
--------------------------------------------------------------------------
________________ gAhA-135 [135] mahAnisIha-kappAo, vavahArAo taheva ya / sAhu-sAhuNi aTThAe, gacchAyAraM samuddhiyaM / / / [136] paDhaMtu sAhuNo eyaM, asajjhAyaM vivajjiuM / uttamaM suyanissaMda, gacchAyAraM suuttamaM / / [137] gacchAyAraM suNittANaM, paDhitA bhikkhu bhikkhuNI / kuNaMtu jaM jahA bhaNiyaM, icchaMtA hiyamappaNo / / muni dIparatnasAgareNa saMzodhitaH sampAditazca "gacchAcAro par3aNNayaM sammattaM" | gacchAyAro - sattamaM paiNNayaM sammattaM [dIparatnasAgara-saMzodhitaH] [10] [30|1|gacchAyAro]