Page #1
--------------------------------------------------------------------------
________________ namo namo nimmaladasaNassa pU. AnaMda-kSamA-lalita-suzIla-sudharmasAgara gurUbhyo namaH 25 AurapaccakravANaM-biiyaM paiNNayaM muni dIparatnasAgara Date : / / 2012 Jain Aagam Online Series-25
Page #2
--------------------------------------------------------------------------
________________ 25 gaMthANukkamo kamako visaya gAhA aNukkamo piThaMko paDhama-parUvaNaM paDikkamaNa-Ai AloyaNA 11-31 11-32 AloyaNA-dAyaga-gAhaga sarUvaM 30. 35 33-36 asamAhimaraNaM 36-44 37-45 paMDiyamaraNaM-va-ArAhaNA 45 46-71 dIparatnasAgara-saMzodhitaH [1] [25|AurapaccakkhANaM
Page #3
--------------------------------------------------------------------------
________________ bAlabrahmacArI zrI neminAthAya namaH namo namo nimmaladaMsaNassa OM hrIM namo pavayaNassa 25 AurapaccakkhANaM-biiaM paiNNayaM | [1] desikkadesavirao sammaddiTThI marijja jo jIvo / taM hoi bAlapaMDiyamaraNaM jinasAsane bhaNiyaM / / [2] paMca ya aNuvvayAI satta u sikkhA u desa jaidhammo / savveNa va deseNa va teNa juo hoI desajaI [3] pANivaha musAvAe adatta paradAraniyamanehiM ca / aparimiicchAo'vi ya aNuvvayAiM viramaNAI / / [4] jaM ca disAveramaNaM anatthadaMDAu jaM ca veramaNaM / desAvagAsiyaM pi ya guNavvayAI bhave tAI / / [5] bhogANaM parisaMkhA sAmAiyaM atihisaMvibhAgo ya / posahavihI ya savvo cauro sikkhAu vuttAo / / [6] AsukkAre maraNe acchinnAe jIviyAsAe | nAehi vA amukko pacchima saMlehaNamakiccA / / [7] Aloiya nissallo saghare cevAruhit saMthAraM / jai marai desavirao taM vutaM bAlapaMDiyayaM / / / [8] jo bhattaparinnAe uvakkamo vitthareNa niddiTTho / so ceva bAlapaMDiya maraNe neo jahAjoggaM / / [9] vemANiesu kappovagesu niyameNa tassa uvavAo / niyamA sijjhai ukkosaeNa so sattamaMmi bhave [10] iya bAlapaMDiyaM hoi maraNamarihaMtasAsane dihra / itto paMDiyapaMDiyamaraNaM vucchaM samAseNaM / / [11] icchAmi NaM bhaMte ! uttama- paDikkamAmi aIyaM paDikkamAmi anAgayaM paDikkamAmi paccuppannaM paDikkamAmi kayaM paDikkamAmi kAriyaM paDikkamAmi anumoiyaM paDikkamAmi micchataM paDikkamAmi asaMjamaM paDikkamAmi kasAyaM paDikkamAmi pAvappaogaM paDikkamAmi, micchAdasaNapariNAmesu vA, ihalogesu vA paralogesu vA, saccitesu vA accitesu vA, paMcasu iMdiyatthesu vA, annANaM jhANe anAyAraM0 kuMdasaNaM0 kohaM0 mAnaM0 mAyaM0 lobhaM0 rAgaM0 dosaM0 mohaM0 icchaM0 micchaM0 mucchaM0 saMkaM0 kaMkha0 gehiM0 AsaM0 taNhaM0 chuhaM0 paMthaM0 paMthANaM0 nirde0 niyANaM0 nehaM0 kAmaM0 kalusaM0 kalahaM0 jujjhaM0 nijujjhaM0 saMgaM0 saMgahaM0 vavahAraM0 kayavikkayaM0 anatthadaMDaM0 AbhogaM0 anAbhogaM0 anAillaM0 veraM0 viyakkaM0 hiMsaM0 hAsaM0 pahAsaM0 paosaM0 pharusaM0 bhayaM0 rUvaM0 appapasaMsaM0 paranidaM0 paragariMha0 pariggahaM0 paraparivAyaM0 paradUsaNaM0 AraMbhaM0 saraMbhaM0 pAvANumoyaNaM asamAhimaraNaM0 kammodayapaccayaM0 iDDhigAravaM0 rasagAravaM0 sAyAgAravaM0 averamaNaM0 amuttimaraNaMjhANaM / dIparatnasAgara-saMzodhitaH [2] [25|AurapaccakkhANaM
Page #4
--------------------------------------------------------------------------
________________ aNukkamo-11 pasuttassa vA paDibuddhassa vA jo me keI devasio rAio uttamaThe aikkamo vaikkamo aiyAro anAyAro tassa micchAmikkaDaM / [12] esa karemi paNAmaM jinavaravasahassa vaddhamANassa | sesANaM pi jiNANaM sagaNaharANaM ca savvesiM / / [13] savvaM pANAraMbhaM paccakkhAmi ti aliyavayaNaM ca / savvamadinnAdANaM mehaNNaM pariggahaM ceva / / [14] sammaM me savvabhUesu, verai majjha na keNaI / AsATha vosirittANaM, samAhimanupAlae / / [15] savvaM cA''hAravihiM sannAo gArave kasAe ya / savvaM ceva mamattaM caemi savvaM khamAvemi / / [16] hojjA imami samae uvakkamo jIviyassa jai majjha / eyaM paccakkhANaM viThalA ArAhaNA hou [17] savvakkhapahINANaM, siddhANaM arahao namo | saddahe jinapannataM, paccakkhAmi ya pAvagaM || [18] namo'tthu dhuyapAvANaM, siddhANaM ca mahesiNaM / saMthAraM paDivajjAmi, jahA kevali desiyaM / / [19] jaM kici vi duccariyaM taM savvaM vosirAmi tiviheNaM / sAmAiyaM ca tivihaM karemi savvaM nirAgAraM / / [20] bajjhaM abhiMtaraM uvahiM sarIrAi sabhoyaNaM / manasA vaya kAehiM, savvabhAveNa vosire / / [21] savvaM pANAraMbhaM paccakkhAmi ti aliyavayaNaM ca / savvamadattAdAnaM mehuNNaM pariggahaM ceva / / [22] sammaM me savva bhUesa veraM majjha na keNai / AsATha vosirittANaM samAhi-manupAlae || [23] rAgaM baMdhaM paosaM ca, harisaM dIna bhAvayaM / ussugataM bhayaM sogaM, raiM araiM ca vosire / / [24] mamattaM parivajjAmi, nimmamataM uvaTThio / AlaMbanaM ca me AyA, avasesaM ca vosire / / [25] AyA ha mahaM nANe AyA me daMsaNe carite ya / AyA paccakkhANe AyA me saMjame joge / / [26] ego vaccai jIvo, ego cevuvavajjaI / egassa ceva maraNaM, ego sijjhai nIrao / / [27] ego me sAsao appA, nANa daMsaNa saMjuo / sesA me bAhirA bhAvA, savve saMjoga lakkhaNA / / dIparatnasAgara-saMzodhitaH [3] [25|AurapaccakkhANaM
Page #5
--------------------------------------------------------------------------
________________ aNukkamo-28 [28] saMjoga mUlA jIveNaM, pattA dukkhaparaMparA / tamhA saMjoga saMbaMdha, savvaM bhAveNa vosire / / [29] mUlaguNe uttaraguNe je me nA''rAhiyA pamAeNaM / tamahaM savvaM niMde paDikkame AgamissANaM / / [30] satta bhae aTTha mae sannA cattAri gArave tinni / AsAyaNa tetIsaM rAgaM dosaM ca garihAmi / / [31] assaMjamamannANaM micchattaM savvameva ya mamattaM / jIvesu ajIvesu ya taM niMde taM ca garihAmi || [32] niMdAmi niMdaNijjaM garihAmi ya jaM ca me garahaNijjaM / Aloemi ya savvaM sabbhiMtarabAhiraM uvahiM [33] jaha bAlo jaMpato kajjamakajjaM ca ujjuyaM bhaNai / taM taha AloejjA mAyAmosaM pamottUNaM / / [34] nANaMmi daMsaNaMmi ya tave carite ya causu vi akaMpo / dhIro Agamakusalo aparissAvI rahassANaM / / [35] rAgeNa va doseNa va jaM me akayannuyA pamAeNaM / jo me kiMci vi bhaNio tamahaM tiviheNa khAmemi [36] tivihaM bhaNaMti maraNaM bAlANaM bAlapaMDiyANaM ca / taiyaM paMDitamaraNaM jaM kevaliNo anumati / / [37] je puNa aTThamaIyA payaliyasannA ya vaMkabhAvA ya / asamAhiNA maraMti na ha te ArAhagA bhaNiyA [38] maraNe virAhie devaduggaI dullahA ya kira bohI / saMsAro ya anaMto hoI puNo AgamissANaM / / [39] kA devadaggaI kA abohi keNeva vajjhaI maraNaM / keNa anaMtamapAraM saMsAre hiMDaI jIvo || [40] kaMdappa devakibbisa abhiogA AsurI ya saMmohA / tA devaduggaIo maraNaMmi virAhie huMti / / [41] micchadasaNarattA saniyANA kaNhalesamogADhA | iya je maraMti jIvA tesiM dulahA bhave bohI / / [42] sammaiMsaNarattA aniyANA sukkalesamogADhA | iya je maraMti jIvA tesiM sulahA bhave bohI / / / [43] je puNa gurUpaDinIyA bamohA sasabalA kusIlA ya / asamAhiNA maraMti te haMti anaMtasaMsArI / / [44] jinavayaNe anurattA guruvayaNaM je karaMti bhAveNaM / asabala asaMkiliTThA te haMti parittasaMsArI / / dIparatnasAgara-saMzodhitaH [25|AurapaccakkhANaM
Page #6
--------------------------------------------------------------------------
________________ aNukkamo-45 ? || [45] bAlamaraNANi bahuso bahuyANi akAmagANi maraNANi / marihaMti te varAyA je jinavayaNaM na yANaMti / / [46] satthaggahaNaM visabhakkhaNaM ca jalaNaM ca jalapaveso ya / anayAra bhaMDasevI jammaNa maraNAnubaMdhINi / / [47] uDDhamahe tiriyaMmi vi mayANi jIveNa bAlamaraNANi | daMsaNa nANa sahagao paMDiyamaraNaM anumarissaM [48] uvveyaNayaM jAI maraNaM naraes veyaNAo ya / eyANi saMbharaMto paMDiya maraNaM marasu iNDiM / / [49] jai uppajjai dukkhaM to iTThavvo sahAvao navaraM / kiM kiM mae na pattaM saMsAre saMsaraMteNaM [50] saMsAracakkavAlaMmi savve'viya puggalA mae bahaso / AhAriyA ya pariNAmiyA ya nA'haM gao tittiM [51] taNakaThehi va aggI lavaNajalo vA naIsahassehiM / na imo jIvo sakko tippeThaM kAmabhogehiM / / [52] AhAranimitteNaM macchA gacchaMti sattamiM puDhavIM / saccitto AhAro na khamo manasA vi pattheuM / / [53] puTviM kayaparikammo aniyANo IhiUNa maibuddhi / pacchA maliyakasAo sajjo maraNaM paDicchAmi [54] akkaMDe cirabhAviya te purisA maraNadesakAlammi / puvvakaya kammaparibhAvanAe pacchA parivaDaMti / / [55] tamhA caMdagavijjhaM sakAraNaM ujjueNa puriseNaM / jIvo avirahiyaguNo kAyavvo mokkhamaggaMmi / / [56] bAhirajogavirahio abhiMtarajhANajogamallINo / jaha taMmi desakAle amUDhasanno cayai dehaM / / [57] haMtUNa rAga dosaM chittUNa ya aTThakammasaMghAyaM / jammaNa maraNa'rahaTTa bhittUNa bhavA vimuccihisi / / [58] eyaM savvuvaesa jinadiLaM saddahAmi tiviheNaM / tasa thAvara khemakaraM pAraM nivvANamagassa / / [59] na ha tammi desakAle sakko bArasaviho suyakkhaMdho / savvo anuciMte dhaNiyaM pi samatthaciteNaM / / [60] egaMmi vi jammi pae saMvegaM vIyarAyamaggaMmi / gacchai naro abhikkhaM taM maraNaM teNa mariyavvaM / / [61] tA egaM pi silogaM jo pariso maraNadesakAlammi / ArAhaNovaLatto ciMtaMto rAhago hoI / / dIparatnasAgara-saMzodhitaH [5] [25|AurapaccakkhANaM
Page #7
--------------------------------------------------------------------------
________________ aNukkamo-62 [62] ArAhaNovautto kAlaM kAUNa suvihio samma / ukkosaM tinni bhave gaMtUNaM lahai nivvANaM / / [63] samaNo ti ahaM paDhamaM bIyaM savvatthaM saMjaomi ti / savvaM ca vosirAmi eyaM bhaNiyaM samAseNaM / / [64] laddhaM aladdhapuvvaM jinavayaNa subhAsiyaM amiyabhUyaM / gahio suggaimaggo nA'haM maraNassa bIhemi / / / [65] dhIreNa vi mariyavvaM kAuriseNa vi avassa mariyavvaM / doNhaMpi hu mariyavve varaM khu dhIrattaNe mariThaM / / [66] sIleNa vi mariyavvaM nissIleNa vi avassa mariyavvaM / doNhaMpi hu mariyavve varaM khu sIlattaNe mariThaM [67] nANassa daMsaNassa ya sammattassa ya carittajuttassa / jo kAhI uvaogaM saMsArA so vimuccihisi / / [68] cira usiya baMbhayArI papphoDeUNa sesayaM kamma / anupuvvIi visuddho gacchai siddhiM dhuyakileso / / [69] nikkasAyassa daMtassa, sUrassa vavasAiNo | saMsAra parimIyassa, paccakkhANaM suhaM bhave / / [70] eyaM paccakkhANaM jo kAhI maraNadesakAlammi / dhIro amUDhasanno so gacchai sAsayaM ThANaM / / [71] dhIro jara maraNaviU dhIro vinnANa nANasaMpanno / logassujjoyagaro disaTha khayaM savvadukkhANaM / / | muni dIparatnasAgareNa saMzodhitaH sampAditazca "ATharapaccakkhANaM paiNNayaM sammattaM" / 25 | "AurapaccakkhANaM - biiyaM paiNNayaM" sammataM dIparatnasAgara-saMzodhitaH] dIparatnasAgara-saMzodhitaH [6] [25|AurapaccakkhANaM