Page #1
--------------------------------------------------------------------------
________________
नमो नमो निम्मलदसणस्स पू. आनंद-क्षमा-ललित-सुशील-सुधर्मसागर गुरुभ्यो नमः
२३
वण्हिदसाणं- बारसमं उवंगसुत्तं
। मनि दीपरत्नसागर
Date: / /2012
Jain Aagam Online Series-23
Page #2
--------------------------------------------------------------------------
________________
| २३ गंथाणुक्कमो
कमको
अज्झयणं
गाहा
अणुक्कमो पिढेको
१
पढम-निसढे
४-५
बीअं (जाव) बारसमं - मायणि
- वह
- वेहल
पगय
- जुत्ती
दसरह
- दढरह - महाधनु - सत्तधनु - दसधनु - सयधनु
दीपरत्नसागर संशोधितः]
[1]
[२३-वण्हिदसाणं
Page #3
--------------------------------------------------------------------------
________________
बालब्रह्मचारी श्री नेमिनाथाय नमः
२३
नमो नमो निम्मलदंसणस्स ॐ ह्रीं नमो पवयणस्स
[दीपरत्नसागर संशोधितः ]
वहिदसाणं- बारसमं उवंगसुत्तं
0 पढमं अज्झयणं- निसढे 0
[१] जइ णं भंते समणेणं भगवया महावीरेणं जाव संपत्तेणं उवंगाणं चउत्थस्स वग्गस्स पुप्फचूलियाणं अयमट्ठे पन्नत्ते पंचमस्स णं भंते! वग्गस्स उवंगाणं वण्हिदसाणं समणेणं भगवया जाव संपत्तेणं के अट्ठे पन्नत्ते ?, एवं खलु जंबू ! जाव दुवालस अज्झयणा पन्नत्ता तं जहा :- |
[२] निसढे मायणि-वह-वहे पगया जुत्ती दसरहे दढरहे य । महाधनू सत्तधनू दसधनू नामे सयधनू य ।।
[३] जइ णं भंते! समणेण भगवया महावीरेणं जाव संपत्तेणं उवंगाणं पंचमस्स वग्गस्स वण्हिदसाणं दुवालस अज्झयणा पन्नत्ता, पढमस्स णं भंते! उक्खेवओ० एवं खलु जंबू! तेणं कालेणं तेणं समएणं बारवई नामं नयरी होत्था दुवालस-जोयणायामा नवजोयणवित्थिण्णा जाव पच्चक्खं देवलोयभूया पासादीया० तीसे णं बारवईए नयरीए बहिया उत्तरपुरत्थिमे दिसीभाए एत्थ णं रेवतए नामं पव्वए होत्था, तुंगे गगनतलमनुहितसिहरे नानाविह रुक्ख गुच्छ - गुम्म-लया-वल्ली - परिगयाभिरामे हंस-मिय-मयूर-कोंचसारस-चक्कवाग-मदनसाला - कोइलकुलोववेए तड़-कडग-विवर- उज्झर-पवाल- पब्भारसिहरपउरे अच्छ- रणगणदेव-संघ-विज्जाहरमिहुण-संनिचित्ते निच्चच्छणए दसार- वर-वीरपुरिस- तेल्लोक्कबलवगाणं सोमे सुभए पियदंसणे सुरूवे पासादीए जाव पडिरूवे ।
तस्स णं रेवयगस्स पव्वयस्स अदूरसामंते एत्थ णं नंदनवने नामं उज्जाणे होत्था-सव्वोउय पुप्फ जाव पडिरूवे, तत्थ णं नंदनवने उज्जाणे सुरप्पिए नामं जक्खस्स जक्खाययणे होत्था- चिराईए जाव बहुजनो आगम्म अच्चे सुरप्पियं जक्खाययणं, से णं सुरप्पिए जक्खाययणे एगेणं महया वनसंडेणं सव्वओ समंता संपरिक्खित्ते जहा पुन्नभद्दे जाव पुढविसिल्लावट्टए तत्थ णं बारवईए नयरीए कहे नामं वासुदेवे राया होत्था जाव रज्जं पसासेमाणे विहरइ ।
से णं तत्थ समुद्दविजय पामोक्खाणं दसण्हं दसाराणं बलदेव पामोक्खाणं पंचण्हं महावीराणं उग्गसेन पामोक्खाणं सोलसहं राईसाहस्सीणं पज्जुन्न पामोक्खाणं अट्ठाणं कुमार कोडीणं संब पामोक्खाणं सट्ठीए दुद्दंतसाहस्सीणं वीरसेण पामोक्खाणं एक्कवीसाए वीरसाहस्सीणं रुप्पिणि पामोक्खाणं सोलसण्हं देवीसाहस्सीणं अनंगसेना पामोक्खाणं गणिया-साहस्सीणं अन्नेसिं च बहूणं राईसर जाव सत्थवाहप्पभिईणं वेयड्ढगिरि सागर मेरागस्स दाहिणड्ढ भरहस्स आहेवच्चं जाव विहरइ, तत्थ णं बारवईए नए बलदेवे नामं राया होत्था - महयाहिमवंत जाव रज्जं पसासेमाणे विहरइ ।
[2]
[२३- वहिदसाणं]
Page #4
--------------------------------------------------------------------------
________________
तस्स णं बलदेवस्स रण्णो रेवई नामं देवी होत्था सूमालपाणिपाया जाव विहरइ, तए णं सा रेवई देवी अन्नया कयाइ तंसि तारसगंसि सयणिज्जंसि जाव सीहं सुमिणं पासित्ता णं पुडिबुद्धा, एवं सुमिणदंसणपरिकहणं, कलाओ जहा महाबलस्स, पन्नासओ दाओ पन्नासं रायवरकन्नगाणं दिवसे पाणिग्गहणं नवरं-निसढे नामं जाव उप्पिं पासाए विहरड़, तेणं कालेणं तेणं समएणं अरहा अरिट्ठनेमी अज्झयणं - १
आइगरे दसधणूइं वण्णओ जाव समोसरिए, परिसा निग्गया,
तए णं से कण्हे वासुदेवे इमीसे कहाए लद्धट्ठे समाणे हट्टतुट्ठे० एत्तो य कोडुंबिय पुरिसं सद्दावेइ सद्दावेत्ता एवं वयासी- खिप्पामेव भो देवाणुप्पिया! सभाए सुहम्माए सामुदानियं भेरिं ताले, णं से कोडुंबियपुरिसे जाव वयणं पडिसुणित्ता जेणेव सभाए सुहम्माए सामुदानिया भेरी तेणेव उवागच्छइ उवागच्छित्ता सामुदानियं भेरिं महया-महया सद्देणं तालेइ, तए णं तीसे सामुदानियाए भेरीए महया - महया सद्देणं तालियाए समाणीए समुद्दविजयपामोक्खा दस दसारा देवीओ जाव अनंगसेनापामोक्खा अनेगा गणियासहस्सा अन्ने य बहवे राईसर जाव सत्थवाहप्पभिइओ ण्हाया जाव पायच्छित्ता सव्वालंकारविभूसिया जहा विभवइड्ढी सक्कारसमुद्दएणं अप्पेगइया हयगया जाव पुरिसवग्गुरा-परिक्खित्ता जेणेव कण्हे वासुदेवे तेणेव उवागच्छंति उवागच्छित्ता करतल जाव कण्हं वासुदेवं जपणं विजएणं वद्धावेंति, त से कहे वासुदेवे कोडुंबियपुरिसे सद्यावेत्ता एवं वयासीः ।
खिप्पामेव भो देवाणुप्पिया! आभिसेक्कहत्थिं रयणं पडिकप्पेह हय-गय-रह-पवर जाव पच्चप्पिणंति, तए णं से कण्हे वासुदेवे जेणेव मज्जणघरे जाव दुरूढे अट्ठट्ठ मंगलगा जहा कूणिए सेयवरचामरेहिं उद्धुव्वमाणेहिं- उद्धव्वमाणेहिं समुद्दविजयपामोक्खेहिं दसहिं दसारेहिं जाव सत्थवाहप्पभिईहिं सद्धिं संपरिवुडे सव्विड्ढीए जाव दुंदहिं-निग्घोसणाइवरवेणं नयरिं मज्झंमज्झेणं निग्गच्छइ सेसं जा कूणिओ जाव पज्जुवासइ ।
तए णं तस्स निसढस्स कुमारस्स उप्पिं पासायवरगयस्स तं महया जनसद्दं च जहा जमाली जाव धम्मं सोच्चा निसम्मं वंदइ नमसइ वंदित्ता नमंसित्ता एवं वयासी सद्दहामि णं भंते! निग्गंथं पावयणं जहा चित्तो जाव सावगधम्मं पडिवज्जइ पडिवज्जित्ता पडिगए ।
ते काणं तेणं समएणं अरहओ अरिट्ठनेमिस्स अंतेवासी वरदत्ते नामं अनगारे उराले जाव विहरइ, तए णं से वरदत्ते अनगारे निसढं कुमारं पासइ पासित्ता जायसड्ढे जाव पज्जुवासमाणे एवं वयासी- अहो णं भंते! निसढे कुमारे इट्ठे इट्ठरूवे कंते कंतरूवे एवं पिए मणुण्णे मणामे मणामरूवे सोमे सोमरूवे पियंदसणे सुरूवे, निसढेणं भंते! कुमारेणं अयमेयारूवा माणुयइड्ढी किण्णा लद्धा किण्णा पत्ता पुच्छा जहा सूरियाभस्स,
एवं खलु वरदत्ता! तेणं कालेणं तेणं समएणं इहेव जंबुद्दीवे दीवे भारहे वासे रोहीडए नामं नयरे होत्था रिद्धत्थि मिय- समिद्धे, मेहवण्णे उज्जाणे, मणिदत्तस्स जक्खस्स जक्खाययणे, तत्थ णं रोहीडए नयरे महब्बले नामं राया, पउमावई नामं देवी अन्नया कयाइ तंसि तारसगंसि सयणिज्जंसि सीहे सुमिणे एवं जम्मणं भाणियव्वं जहा महाबलस्स नवरं वीरंगओ नामं बत्तीसओ दाओ बत्तीसाए रायवरकन्नगाणं पाणिं जाव उवगिज्जमाणे-उवगिज्जमाणे पाउस - वरिसारत्त-सरय-जाव वसंते छप्पि उऊ जहाविभवेणं भुंजमाणे-भुंजमाणे कालं गालेमाणे इट्ठे सद्द जाव विहरइ,
[ दीपरत्नसागर संशोधितः ]
[3]
[२३- वहिदसाणं]
Page #5
--------------------------------------------------------------------------
________________
तेणं कालेणं तेणं समएणं सिद्धत्थ नाम आयारिया जाइसंपन्ना जहा केसी नवरं बहुस्सुया बहुपरियारा जेणेवे रोहीडए नयरे जेणेव मेहवण्णे उज्जाणे जेणेव मणिदत्तस्स जक्खस्स जक्खाययणे तेणेव उवागया, अहापडिरूवं जाव विहरंति, परिसा निग्गया, तए णं तस्स वीरंगयस्स कुमारस्स उप्पिं पासायवरगयस्स तं महया जणसदं जहा जमाली निग्गओ, धम्म सोच्चा, जं नवरं देवाणुप्पिया! अम्मापियरो आपुच्छामि जहा जमाली तहेव निक्खंतो जाव अणगारे जाए जाव गुत्तबंभयारी, अज्झयणं-१
तए णं से वीरंगए अनगारे सिद्धत्थाणं आयरियाणं अंतिए सामाइयमाझ्याई जाव अक्कारस अंगाई अहिज्जइ, बहूहिं चउत्थ जाव अप्पाणं भावेमाणे बहुपडिपुन्नाइं पणयालीसं वासाइं सामण्ण-परियागं पाउणित्ता दोमासियाए संलेहणाए अत्ताणं झुसित्ता सवीसं भत्तसयं अणसणाए छेइत्ता आलोइयपडिक्कंत० समाहिपत्ते कालमासे कालं किच्चा बंभलोए कप्पे मनोरमे विमाने देवत्ताए उववन्ने, तत्थ णं अत्थेगइयाणं देवाणं दससागरोवमाइं ठिई, तत्थ णं वीरंगयस्स देवस्स दससागरोवमाइं ठिई से णं वीरंगए देवे ताओ देवलोगाओ आउक्खएणं जाव अनंतरं चयं चइत्ता इहेव बारवईए नयरीए बलदेवस्स रन्नो रेवईए देवीए कुच्छिंसि पुत्तत्ताए उववन्ने,
तए णं सा रेवईदेवी तंसि तारिसगंसि सयणिज्जंसि सुमिणदंसणं जाव उप्पिं पासाय-वरगए विहरइ, तं एवं खलु वरदत्ता! निसढेणं कुमारेणं अयमेयारूवा उराला मणुयइड्ढी लद्धा पत्ता अभिसमन्नागया ।
पभू णं भंते! निसढे कुमारे देवाणुप्पियाणं अंतिए जाव पव्वइत्तए ? हंता पभू, से एवं भंते! से एवं भंते! वरदत्ते अनगारे जाव अप्पाणं भावेमाणे विहरइ, तए णं अरहा अरिहनेमी अन्नया कयाइ बारवईओ नयरीओ जाव बहिया जनवयविहारं विहरइ, तए णं से निसढे कुमारे समणोवासए जाएअभिगयजीवाजीवे जाव विहरइ, तए णं से निसढे कुमारे अन्नया कयाइ जेणेव पोसहसाला तेणेव उवागच्छड़ उवागच्छित्ता जाव दब्भसंथारोवगए विहरइ, तए णं तस्स निसढस्स कुमारस्स पुव्वरत्तावरत्तकालसमयंसि धम्मजागरियं जागरमाणस्स इमेयारूवे० समुप्पज्जित्था तं धन्ना णं ते गामागार जाव सन्निवेसा जत्थ णं अरहा अरिहनेमी विहरइ, धन्ना णं ते राईसर जाव सत्थवाहप्पभिइओ जे णं अरहं अरिहनेमि वंदंति जाव पज्जुवासंति, तं जड़ णं अरहा अरिद्वनेमी पुव्वाणुपुव्विं चरमाणे गामाणुगामं दूइज्जमाणे नंदनवने विहरेज्जा तो णं अहं अरहं अरिहनेमि वंदिज्जा जाव पज्जुवासिज्जा,
तए णं अरहा अरिद्वनेमी निसढस्स कमारस्स अयमेयारूवं अज्झत्थियं जाव वियाणित्ता अट्ठारसहिं समणसहस्सेहिं जाव नंदनवने उज्जाणे समोसढे, परिसा निग्गया, तए णं निसढे कुमारे इमीसे कहाए लद्धढे समाणे हद्वतुढे० चाउग्घंटेणं आसरहेणं निग्गए जहा जमाली जावं अम्मापियरो आपुच्छित्ता पव्वइए, अनगारे जाए- इरियासमिए जाव गुत्तबंभयारी,
तए णं से निसढे अनगारे अरहओ अरिहनेमिस्स तहारूवाणं थेराणं अंतिए सामाइयमाइयाई एक्कारसं अंगाई अहिज्जइ अहिज्जित्ता बहूहिं चउत्थं-जाव विचित्तेहिं तवोकम्मेहि अप्पाणं भावेमाणे बहुपडिपुन्नाइं नव वासाइं सामण्णपरियागं पाउणइ पाउणित्ता बायालीसं भत्ताइं अणसणाए छेएइ छेइत्ता आलोइय-पडिक्कंते समाहिपत्ते आनुपुव्वीए कालगए, तए णं से वरदत्ते अनगारे निसढं अनगारं कालगयं जाणित्ता जेणेव अरहा अरिहनेमी तेणेव उवागच्छइ उवागच्छित्ता जाव एवं वयासीः- |
दीपरत्नसागर संशोधितः]
[4]
[२३-वण्हिदसाणं
Page #6
--------------------------------------------------------------------------
________________ एवं खलु देवाणुप्पियाणं अंतेवासी निसढे नामं अनगारे पगइभद्दए जाव विनीए, से णं भंते! निसढे अनगारे कालमासे कालं किच्चा कहिं गए ? कहिं उववन्ने ?, वरदत्तादि! अरहा अरिट्ठनेमि वरदत्तं अनगारं एवं वयासी- एवं खल वरदत्ता! मम अंतेवासी निसढे नामं अनगारे पगइभद्दे जाव विणीए ममं तहारूवाणं थेराणं अंतिए सामाइयमाइयाइं एक्कारस अंगाइं अहिज्जित्ता बहुपडिपुण्णाइं नववासाइं सामण्ण परियागं पाउणित्ता -*-*- जाव -*-*- सव्वट्ठसिद्ध वीमाने देवत्ताए उववन्ने तत्थ णं० निसढस्स देवस्स अज्झयणं-१ तेत्तीसं सागरोवमाइं ठिई पन्नत्ता / से णं भंते! निसढे देवे ताओ देवलोगाओ आउक्खएणं जाव अनंतरं चयं चइत्ता कहिं गच्छिहिति० ? वरदत्त! इहेव जंबुद्दीवे दीवे महाविदेहे वास उण्णाए नयरे विसुद्धपिइमाइवंसे रायकुले पुत्तत्ताए पच्चायाहिइ, से णं उम्मुक्कबालभावे विण्णयपरिणयमेत्ते जोव्वणगमणुप्पत्ते तहारूवाणं थेराणं अंतिए केवलबोहिं बज्झिहिइ बज्झिहित्ता अगाराओ अणगारियं पव्वज्जिहिइ से णं तत्थ अनगारे भविस्सइ- इरियासमिए जाव गुत्तबंभयारी, से णं तत्थ बहूहिं चउत्थ० आइ विचित्तेहिं तवोकम्मेहिं अप्पाणं भावेमाणे बहुई वासाइं सामण्ण परियागं पाउणिस्सत्ति पाउणिस्सत्ता मासियाए संलेहणाए अत्ताणं झूसेत्ता सहिँ भत्ताई अनसनाए छेदेहिइ जस्सवाए कीरइ नग्गभावे मुंडभावे अण्हाणए अदंतवणए अच्छत्तए अनोवाहणए फलहसेज्जा कट्ठसेज्जा केसलोए बंभचेरवासे परघरवेसे पिंडवओ लद्धावलद्धे उच्चावया गामकंटगा अहियासिज्जंति तमढं आराहेहिति आराहेत्ता चरिमेहिं उस्सासनिस्साहहिं जाव सव्वदुक्खाणं अंतं काहिइ, एवं खलु जंबू! समणेणं भगवया महावीरेणं जाव संपत्तेणं निक्खेवओ० / ०२-१२-अज्झयणाणि0 [4] एवं सेसावि एक्कारस अज्झयणा नेयव्वा संगहणी अनुसारेणं एवं अहीनमइरित्तं एक्कारससु वि, त्ति बेमि | मुनि दीपरत्नसागरेण संशोधिताः सम्पादिताश्च “वण्हिदसाणं उवंगसुत्तं” सम्मत्तं वण्हिदसाणं- बारसमं उवंगसुत्तं सम्मत्तं दीपरत्नसागर संशोधितः] [5] [२३-वण्हिदसाणं