Page #1
--------------------------------------------------------------------------
________________
नमो नमो निम्मलदंसणस्स
पू. आनंद-क्षमा-ललित-सुशील-सुधर्मसागर गुरुभ्यो नमः
२२
पुप्फचूलियाणं-एक्कारसमं
Date : // 2012
उतंगसन्तं
मुनि दीपरत्नसागर
Jain Aagam Online Series-22
Page #2
--------------------------------------------------------------------------
________________
२२ गंथाणुक्कमो
कमंको
अज्झयणं
सुत्तं
| गाहा
अणुक्कमो पिढेको |
१-१०
पढमं जाव दसमं
-सिरि
-हिरि
-धिइ -कित्ति
-बुद्धि
-लच्छी
-इलादेवी
-सुरादेवी
-रसदेवी
-गंधदेवी
दीपरत्नसागर संशोधितः]
[1]
[२२-पुप्फचूलियाणं]
Page #3
--------------------------------------------------------------------------
________________
बालब्रह्मचारी श्री नेमिनाथाय नमः
नमो नमो निम्मलदंसणस्स ॐ ह्रीं नमो पवयणस्स
|२२| पुप्फचूलियाणं-एक्कारसमं उवंगसुत्तं
१-१० अज्झयणाणि [8] जइ णं भंते! समणेणं भगवया महावीरेणं जाव संपत्तेणं उवंगाणं तइयस्स वग्गस्स पुप्फियाणं अयमढे पन्नत्ते, चउत्थस्स णं भंते! वग्गस्स पुप्फचूलियाणं समणेणं भगवया महावीरेणं जाव संपत्तेणं कइ अज्झयणा पन्नत्ता ? एवं खलु जंबू! समणेणं भगवया महावीरेणं जाव संपत्तेणं पुप्फचूलियाणं] दस अज्झयणा पन्नत्ता तं जहा ।
[२] सिरि-हिरि-धिइ-कित्ति-बुद्धि-लच्छी य होइ बोद्धव्वा ।
इलादेवी सुरादेवी रसदेवी गंधदेवी य ।। [३] जइ णं भंते! समणेणं भगवया महावीरेणं जाव संपत्तेणं उवंगाणं चउत्थस्स वग्गस्स पुप्फचूलियाणं दस अज्झयणा पन्नत्ता, पढमस्स णं भंते [अज्झयणस्स पुप्फचूलियाणं समणेणं भगवया महावीरेणं जाव संपत्तेणं के अट्टे पन्नत्ते ?]. एवं खल जंब! तेणं कालेणं तेणं समएणं रायगिहे नयरे गुणसिलए चेइए, सेणिए राया, सामी समोसाढे, परिसा निग्गया,
तेणं कालेणं तेणं समएणं सिरिदेवी सोहम्मे कप्पे सिरिवडिंसए विमाने सभाए सुहम्माए सिरिवडिंसयंसि सीहासणंसि चउहिं सामानियसाहस्सीहिं चउहि महत्तरियाहिं सपरिवाराहिं जहा बहुपुत्तिया जाव नट्टविहिं उवदंसित्ता पडिगया नवरं दारियाओ नत्थि पुव्वभवपुच्छा,
एवं खलु गोयमा! तेणं कालेणं तेणं समएणं रायगिहे नयरे, गुणसिलए चेइए, जियसत्तू राया, तत्थ णं रायगिहे नयरे सुदंसणे नामं गाहावई परिवसई अड्ढे० तस्स णं सुदंसणस्स गाहावइस्स पिया नाम भारिया होत्था सोमालपाणिपाया० तस्स णं सुदंसणस्स गाहावइस्स धूया पियाए गाहावइणीए अत्तया भूया नामं दारिया होत्था वुड्ढा वुड्ढकुमारी जुण्णा जुण्णकुमारी पडियपुत्थणी वरगपरिवज्जिया यावि होत्था,
तेणं कालेणं तेणं समएणं पासे अरहा पुरिसादानीए जाव नवरयणिए वण्णओ सो चेव, समोसरणं, परिसा निग्गया, तए णं सा भूया दारिया इमीसे कहाए लद्धट्ठा समाणी हद्वतुट्ठा जेणेव अम्मापियरो तेणेव उवागच्छइ उवागच्छित्ता एवं वयासी- एवं खलु अम्मताओ! पासे अरहा पुरिसादानीए पुव्वाणुपुट्विं चरमाणे जाव देवगणपरिवुडे विहरइ, तं इच्छामि णं अम्मताओ! तुब्भेहिं अब्भणण्णाया समाणी पासस्स अरहओ पुरिसादानीयस्स पायवंदिया गमित्तए, अहासुहं देवाणुप्पिए! मा पडिबंधं० |
तए णं सा भूया दारिया बहाया अप्पमहग्घाभरणालंकियसरीरा चेडीचक्कवालपरिकिण्णा साओ गिहाओ पडिनिक्खमइ पडिनिक्खमित्ता जेणेव बाहिरिया उवट्ठाणसाला तेणेव उवागच्छड़ उवागच्छित्ता धम्मियं जाणप्पवरं दुरूढा |
तए णं सा भूया दारिया नियगपरिवारपरिवुडा रायगिहं नयरं मज्झमज्झेणं निग्गच्छड़ निग्गच्छित्ता जेणेव गुणसिलए चेइए तेणेव उवागच्छइ उवागच्छित्ता छत्तादीए तित्थकरातिसए पासति, धम्मियाओ जाणप्पवराओ पच्चोरूभित्ता चेडीचक्कवालपरिकिण्णा जेणेव पासे अरहा पुरिसादानीए तेणेव
दीपरत्नसागर संशोधितः]
[2]
[२२-पुप्फचूलियाणं]
Page #4
--------------------------------------------------------------------------
________________
अज्झयणं-१
उवागच्छइ उवागच्छित्ता तिक्खुत्तो जाव पज्जुवासइ, तए णं पासे अरहा पुरिसादानीए भूयाए दारिया तीसे य महइमहालियाए परिसाए धम्मं परिकहेइ धम्मं सोच्चा निसम्म हट्ठतुट्ठा० वंदइ नमंस वंद नमंसित्ता एवं वयासी- सद्दहामि णं भंते! निग्गंथं पावयणं जाव अब्भुट्ठेमि णं भंते! निग्गंथं पावयणं से जहेयं तुब्भे वयह जं नवरं भंते! अम्मापियरो आपुच्छामि तए णं अहं जाव पव्वयामि, अहासुहं देवाणुप्पिए! मा पडिबंधं० ।
तए णं सा भूया दारिया तमेव धम्मियं जाणप्पवरं दुरूहइ दुरूहित्ता जेणेव रायगिहे नयरे तेणेव उवागया रायगिहं नयरं मज्झंमज्झेणं जेणेव सए गिहे तेणेव उवागया रहओ पच्चोरुहित्ता जेणेव अम्मापियरो तेणेव उवागया करयल [परिग्गहियं दसनहं सिरसावत्तं मत्थए अंजलिं कट्टु ] जहा जमाली आपुच्छइ, अहासुहं देवाणुप्पिए! तए णं से सुदंसणे गाहावई विउलं असनं० उवक्खडावेइ, मित्त-नाइ० आमंतेइ आमंतेत्ता जाव जिमियभुत्तुत्तरकाले सुईभूए मित्त नाइ० समण्णितो कोडुंबियपुरिसे सद्दावेइ सद्दावेत्ता एवं वयासी- खिप्पामेव भो देवाणुप्पिया! भूयाए दारियाए पुरिससहस्सवाहिणिं सीयं उवट्ठवेह जाव पच्चप्पिणह,...
तए णं ते कोडुंबियपुरिसा तमाणत्तियं पच्चप्पिणंति, तए णं से सुदंसणे गाहावई भूयं दारिय ण्हायं जाव सव्वालंकारविभूसियसरीरं पुरिससहस्सवाहिणिं सीयं दुरूहेइ दुरूहेत्ता मित- नाइ० जाव दुंदुहि-निग्घोसणाइयरवेणं रायगिहं नयरं मज्झमज्झेणं जेणेव गुणसिलए चेइए तेणेव उवागए छत्ती तित्थयरातिसए पासइ पासित्ता सीयं ठवेइ ठवेत्ता भूयं दारियं सीयाओ पच्चोरुहेइ० ।
तणं तं भूयं दारियं अम्मापियरो पुरओ काउं जेणेव पासे अरहा पुरिसादानी तेव उवागया, तिक्खुत्तो वंदंति नमसंति वंदित्ता नमंसित्ता एवं वयासी - एवं खलु देवाणुप्पिया ! भूया दारिया अम्हं एगा धूया इट्ठा, एस णं देवाणुप्पिया! संसारभउव्विग्गा भीया जम्मणमरणाणं देवाणुप्पियाणं अंतिए मुंडा भवित्ता अगाराओ अणगारियं पव्वयाइ, तं एयं णं देवाणुप्पियाणं सिस्सिणीभिक्खं दलयामो, पडिच्छंतु णं देवाणुप्पिया! सिस्सिणिभिक्खं, अहासुहं देवाणुप्पिया ! तए णं सा भूया दारिया पासेणं अरहा एवं वुत्ता समाणी हट्ठतुट्ठा उत्तरपुरत्थिमं दिसीभागं अवक्कमइं अवक्कमित्ता सयमेव आभरणमल्लालंकारं ओमुयइ जहा देवानंदा पुप्फचूलाणं अंतिए जाव गुत्तबंभयारिणी,
तणं सा भूया अज्जा अन्नया कयाइ सरीरबाओसिया जाया यावि होत्था- अभिक्खणंअभिक्खणं हत्थे धोवइ पाए धोवइ सीसं धोवइ मुहं धोवइ थणगंतराइं धोवइ कक्खंतराइं धोवइ गुज्झतराई धोवइ जत्थ-जत्थ वि य णं ठाणं वा सेज्जं वा निसीहियं वा चेएइ तत्थ तत्थ वि य णं पुव्वामेव पाणणं अब्भुक्खड़ तओ पच्छा ठाणं वा सेज्जं वा निसीहियं वा चेएइ ।
तए णं ताओ पुप्फचूलाओ अज्जाओ भूयं अज्जं एवं वयासी- अम्हे णं देवाणुप्पिए! समणीओ निग्गंथीओ ईरियासमियाओ जाव गुत्तबंभयारिणीओ, नो खलु कप्पड़ अम्हं सरीरबाओसियाणं होत्तए, तुमं च णं देवाणुप्पिए! सरीरबाओसिया अभिक्खणं अभिक्खणं हत्थे धोवसि जाव निसीहियं चेएसिं, तं णं तुमं देवाणुप्पिए! एयस्स ठाणस्स आलोएहिं० सेसं जहा सुभद्दाए जाव पाडिएक्कं उवस्सयं उवसंपज्जित्ताणं विहरइ ।
तणं सा भूया अज्जा अनोहट्टिया अनिवारिया सच्छंदमई अभिक्खणं-अभिक्खणं हत्थे धोवइ जाव निसीहियं वा चेएइ, तए णं सा भूया अज्जा बहूहिं चउत्थ-छट्ठ-[ट्ठम-दसम-दुवालसेहिं [दीपरत्नसागर संशोधितः ]
[3]
[२२-पुप्फचूलियाणं]
Page #5
--------------------------------------------------------------------------
________________ अज्झयणं-१ मासद्ध-मासखमणेहिं विचित्तेहिं तवोकम्मेहिं अप्पाणं भावेमाणी] बहूई वासाइं सामण्णपरियागं पाउणित्ता तस्स ठाणस्स अनालोइयपडिक्कंता कालमासे कालं किच्चा सोहम्मे कप्पे सिरिवडेंसए विमाने उववायसभाए देवसयणिज्जसि जाव ओगाहणाए सिरिदेवित्ताए उववन्ना पंचविहाए पज्जत्तीए जाव पज्जत्तभावं गया, एवं खलु गोयमा! सिरीए देवीए एसा दिव्वा देविड्ढी लद्धा पत्ता०, ठिई एगं पलिओवमं - सिरी णं भंते! देवी ताओ देवलोगाओ आउक्खएणं भवक्खएणं ठिइक्खएणं अनंतरं चयं चइत्ता] कहिं गच्छिहिइं कहिं उववज्जिहिइ ? गोयमा! महाविदेहे वासे सिज्झिहिइ एवं खलु जंबू! [समणेणं भगवया महावीरेणं जाव संपत्तेणं पुप्फचूलियाणं पढमस्स अज्झयणस्स अयमढे पन्नत्ते त्ति बेमि] __0-0 एवं सेसाण वि नवण्हं भाणियव्वं, सरिनामा विमाना सोहम्मे कप्पे, पव्वभवे नयरचेडयपियमाईणं अप्पणो य नामाई जहा संगहणीए, सव्वा पासस्स अंतिए निक्खंता, पुप्फचूलाणं सिस्सिणीयाओ, सरीरबाउसियाओ, सव्वाओ अनंतरं चयं चइत्ता महाविदेहे वासे सिज्झिहिंति / मुनि दीपरत्नसागरेण संशोधिताः सम्पादिताश्च “पुप्फचूलियाणं- उवंगसुत्तं" सम्मत्तं पुप्फचूलियाणं- एक्कारसमं उवंगसुत्तं सम्मत्तं दीपरत्नसागर संशोधितः] [4] [२२-पुप्फचूलियाणं]