Page #1
--------------------------------------------------------------------------
________________
नमो नमो निम्मलदसणस्स पू. आनंद-क्षमा-ललित-सुशील-सुधर्मसागर गुरुभ्यो नमः
२०
कप्पवडिसियाणं-नवम
। मनि दीपरत्नसागर
Date: / /2012
Jain Aagam online Series-20
Page #2
--------------------------------------------------------------------------
________________
२० गंथाणुक्कमो
कमंको
अज्झयणं
गाहा
अणुक्कमो
पिढेको
पढम-पउमे
२
बीअं-महापउमे
३-१०
तइयं (जाव) दसमं
दीपरत्नसागर संशोधितः]
[1]
[२०-कप्पवडिंसियाणं
Page #3
--------------------------------------------------------------------------
________________
बालब्रह्मचारी श्री नेमिनाथाय नमः
नमो नमो निम्मलदंसणस्स ॐ ह्रीं नमो पवयणस्स
२० कप्पवडिसियाणं-नवमं उवंगसुत्तं
• पढमं अज्झयणं-पउमं .
[१] जइ णं भंते! समणेणं भगवया महावीरेणं जाव संपत्तेणं उवंगाणं पढमस्स वग्गस्स निरयावलियाणं अयमढे पन्नत्ते दोच्चस्स णं भंते! वग्गस्स कप्पवडिंसियाणं समणेणं भगवया महावीरेणं जाव संपत्तेणं कइ अज्झयणा पन्नत्ता ?, एवं खलु जंबू! समणेणं भगवया महावीरेणं जाव संपत्तेणं कप्पवडिंसियाणं दस अज्झयणा पन्नत्ता तं जहा- पउमे महापउमे भद्दे सुभद्दे पउमभद्दे पउमसेने पउमगुम्मे नलिनिगुम्मे आनंदे नंदने ।
जइ णं भंते! समणेणं भगवया महावीरेणं जाव संपत्तेणं कप्पवडिंसियाणं दस अज्झयणा पन्नत्ता पढमस्स णं भंते! अज्झयणस्स कप्पवडिंसियाणं समजेणं भगवया महावीरेणं जाव संपत्तेणं के अढे पन्नत्ते ? एवं खलु जंबू! तेणं कालेणं तेणं समएणं चंपा नाम नयरी होत्था, पुन्नभद्दे चेइए, कूणिए राया, पउमावई देवी, तत्थ णं चंपाए नयरीए सेणियस्स रण्णो भज्जा कुणियस्स रण्णो चुल्लमाउया काली नामं देवी होत्था-सूमाला० तीसे णं कालीए देवीए पुत्ते काले नामं कुमारे होत्था-सूमाले ।
तस्स णं कालस्स कुमारस्स पउमावई नामं देवी होत्था-सूमाला पाणिपाया जाव विहरइ । तए णं सा पउमावई देवी अन्नया कयाई तंसि तारिसगंसि वासघरंसि अभिंतरओ सचित्तकम्मे जाव सीहं सुमिणे पासित्ताणं पडिबुद्धा, एवं जम्मणं जहा महाबलस्स जाव नामधेज्जं, जम्हा णं अम्हं इमे दारए कालस्स कुमारस्स पुत्ते पउमावईए देवीए अत्तए तं होउ णं अम्हं इमस्स दारगस्स नामधेज्जं पउमेपउमे, त्ति सेसं जहा महाबलस्स अट्ठओ दाओ जाव उप्पिं पासायवरगए विहरइ, सामी समोसरिए, परिसा निग्गया, कूणिए निग्गए, पउमेवि जहा महबले निग्गए तहेव अम्मापिइ आपुच्छणा जाव पव्वइए अनगारे जाए जाव गुत्तबंभयारी ।
तए णं से पउमे अनगारे समणस्स भगवओ महावीरस्स तहारूवाणं थेराणं अंतिए सामाइयमाइयाइं इक्कारस अंगाइं अहिज्जइ अहिज्जित्ता बहूहिं चउत्थ छट्ठम- [दसम-दुवालसेहिं मासद्धमासखमणेहिं विचित्तेहिं तवोकम्मेहिं अप्पाणं भावेमाणे] विहरइ ।
तए णं से पउमे अनगारे तेणं ओरालेणं जहा मेहो तहेव धम्मजागरिया चिंता एवं जहेव मेहो तहेव समणं भगवं महावीरं आपुच्छित्ता विउले जाव पाओवगए समाणे तहारूवाणं थेराणं अंतिए सामाइयमाइयाइं एक्कारस अंगाई अहिज्जित्ता, बहुपडिपुन्नाइं पंच वासाइं सामण्णपरियागं पाउणित्ता, मासियाए संलेहणाए अप्पाणं झोसेत्ता, सहिँ भत्ताइं अनसनाए छेदित्ता आनुपुव्वीए कालगए, थेरा ओइण्णा ।
भगवं गोयमे पुच्छइ, सामी कहेइ, जाव सहिँ भत्ताइं अनसनाए छेदित्ता आलोइय-पडिक्कमंते उड्ढं चंदिम-सूर-गहगण-नक्खत्त-तारा-रूवाणं० सोहम्मे कप्पे देवत्ताए उववन्ने दो सागराइं ठिई ।
से णं भंते! पउमे देवे ताओ देवलोगाओ आउक्खएणं पुच्छा, गोयमा! महाविदेहे वासे जहा
दीपरत्नसागर संशोधितः]
[2]
[२०-कप्पवडिंसियाणा
Page #4
--------------------------------------------------------------------------
________________ अज्झयणं-१ दढपइण्णो जाव अंतं काहिइ, तं एवं खलु जंबू! समणेणं भगवया महावीरेणं जाव संपत्तेणं कप्पवडिंसियाणं पढमस्स अज्झयणस्स अयमढे पन्नत्ते तिबेमि / * पढम अज्झयणं समत्तं .. 0 बीअं अज्झयण-महापउमं . [2] जइ णं भंते! समणेणं भगवया महावीरेणं जाव संपत्तेणं कप्पवडिंसियाणं पढमस्स अज्झयणस्स अयमढे पन्नत्ते, दोच्चस्स णं भंते! अज्झयणस्स कप्पवडिसियाणं समणेणं भगवया महावीरेणं जाव संपत्तेणं के अढे पन्नत्ते ? एवं खलु जंबू तेणं कालेणं तेणं समएणं चंपा नामं नयरी होत्था, पुन्नभद्दे चेइए, कूणिए राया, पउमावई देवी, तत्थ णं चंपाए नयरीए सेणियस्स रण्णो भज्जा कूणियस्स रण्णो चुल्लमाउया सुकाली नामं देवी होत्था, तीसे णं सुकालीए पुत्ते सुकाले नाम कुमारे, तस्स णं सुकालस्स कुमारस्स महापउमा नामं देवी होत्था-सूमाला० तए णं सा महापउमा देवी अन्नया कयाइं तंसि तारिसगंसि एवं तहेव महापउमे नामं दारए जाव सिज्झिहिइ, नवरं ईसाने कप्पे उववाओ उक्कोसटिइओ, तं एवं खलु जंबू समणेणं भगवया महावीरेणं जाव संपत्तेणं कप्पवडिंसियाणं दोच्चस्स अज्झयणस्स अयमढे पन्नत्ते / त्ति बेमि / 0 ३-१०-अज्झयणाणि 0 [3] एवं सेसावि अट्ठ नेयव्वा, मायाओ सरिसनामाओ कालाईणं दसण्हं पुत्ताणं आनुपुव्वीए / [4] दोण्हं च पंच चत्तारि तिण्हं तिण्हं च होति तिन्नेव / ___ दोण्हं च दोण्णि वासा सेणियनत्तूणं परियाओ / / [5] उववाओ आनुपुव्वीए-पढमो सोहम्मे बिइओ ईसाने तइओ सणंकुमारे चउत्थो माहिंदे पंचमो बंभलोए छट्ठो लंतए सत्तमो महासुक्के अट्ठमो सहस्सारे नवमो पाणए दसमो अच्चुए सव्वत्थ उक्कोसटिई भाणियव्वा, महाविदेहे सिज्झिहिंति / 03-१०-अज्यणाणि समत्तानि 0 मुनि दीपरत्नसागरेण संशोधिताः सम्पादिताश्च “कप्पवडिसियाणं" उवंगं सम्मत्तं 20 | कप्पवडिसियाणं-नवमं उवंगं सम्मत्तं दीपरत्नसागर संशोधितः] [3] [२०-कप्पवडिंसियाणं]